E fundit!

20:38 Aktualitet

Përballë Nokës për postin e Sekretarit të Përgjithshëm të PD-së/ Korreshi: Ja kur e mora vendimin për të garuar

Deputeti Saimir Korreshi është vendosur përballë Flamur No...

Berisha feston 28 Nëntorin në Vlorë/ Viziton familjen Mezini

28 Nëntor 2023, 15:19, Aktualitet CNA

Berisha feston 28 Nëntorin në Vlorë/ Viziton familjen Mezini

Ish-kryeministri Sali Berisha

Ish-kryeministri Sali Berisha, me rastin e festës së Pavarësisë, ka zhvilluar një vizitë këtë 28 Nëntor në Vlorë.

Ai ka shkuar për vizitë në familjen Mezini, ku sipas dokumenteve të hershme, përmendet për herë të parë në arkivat e Stambollit në vitin 1640, si e vendosur në Vlorë.

Ai u shpreh se nuk është rastësi që pas shpalljes së Pavarësisë, Ismail bej Vlora, vizitën e parë e bëri në familjen Mezini, me të cilën e lidhnin miqësi e krushqi.

Postimi i plotë:

Të dashur miq, sot gjatë vizitës në Vlorë, kryeqytetin e Pavarësisë, pata kënaqësinë të ndalesha në familjen Mezini. Për të kuptuar vendin e veçantë që ka kjo familje në historinë e qytetit dhe të Shqipërisë, një historik i shkurtër:

Familja e Abaz Mezinit është një nga familjet themeluese të qytetit të Vlorës. Abaz Mezini ka qenë kryetari i Komitetit për Sigurinë e shpalljes së Pavarësise dhe kryetari i parë i Bashkisë Vlorë.

Familja Mezini, sipas dokumenteve të hershme, përmendet për herë të parë në arkivat e Stambollit në vitin 1640, si e vendosur në Vlorë.

Familja ka qene e spikatur në jetën ekonomiko-politike prej shekujsh në Vlore, duke kulmuar me aktivitetin patriotik në 1912.

I pari i fisit, Abaz Mezini, emrin e të cilit mban rruga në lagjen Tophana, ku gjenden sarajet e fisit, dikur 4 kulla me gurë dy katëshe, me porta të larta ku hynte një karrocë me kuaj brenda.

Komunizmi e detyroi fisin t’i ndanin kullat duke i quajtur "borgjeze", me fshatarë të ardhur nga fshatrat, besnikë të partisë.

Mezinajt janë shquar për patriotizëm.

Abaz Mezini ishte kryetari i parë i Bashkise, komanduar nga Porta e lartë në vitin 1908. Me rrogen e tij, të cilën nuk e mori kurrë, u ndihmuan familjet me jetimë, dhe u hap shkolla e parë e gjuhës shqipë në Vlorë, në lagjen Muradie.

Në librin me kujtime, Ismail Qemali paraqet disa letërkëmbime me Abaz Mezinin i cili ishte kryetari i Komitetit të shpalljes së Pavarësisë.

Ky i fundit siguroi paprekshmërinë në Vlorë të Ismailit, në një kohë kur kërkohej ekzekutimi tij nga qarqet antishqiptare.

Nuk është rastësi që pas shpalljes së Pavarësisë, Ismail bej Vlora, vizitën e parë e bëri në familjen Mezini, me të cilën e lidhnin miqësi e krushqi./ CNA