LEXO PA REKLAMA!

SHKARKO APP

Një ditë pasi u zgjodh "i preferuari" i saj në krye të SPAK-ut/ Yuri Kim nuk ndalet

17 Dhjetor 2022, 10:54, Aktualitet CNA
Një ditë pasi u zgjodh "i preferuari" i saj në krye
Yuri Kim

Prej disa javësh është përfolur se kanë nisur procedurat për zëvendësimin e ambasadores Yuri Kim, por ajo deklaroi se do të qëndrojë edhe për disa kohë në Shqipëri.

Gjithashtu u përfol gjatë në media për një përplasje mes Kim dhe kryeministrit Rama lidhur me zgjedhjen e kreut të SPAK, ku ditën e djeshme u përzgjodh pikërisht kandidati i cili u lakua si i preferuari i SHBA-ve, Altin Dumani.

Madje ditën e djeshme ambasadorja Kim ishte prezente edhe gjatë procesit të votimit, duke dhënë një mesazh mjaft të qartë, që donte me çdo kusht që të zgjidhej kandidati Altin Dumani.

E me sa duket vetëm një ditë pas bujës së madhe që pati zgjedhja e Altin Dumanit si kreu i SPAK, Yuri Kim vijon punën e saj normalisht, duke i dhënë një mesazh të qartë politikës se ajo vërtetë do të qëndrojë më gjatë, pavarësisht procedurave të shumëpërfolura.

Sot ambasada ka vijuar me postimet rutinë të aktiviteteve të Yuri Kim, duke dhënë një tjetër sinjal, se takimet dhe puna do të vijojë.

“Ambasadorja e SHBA Yuri Kim mori pjesë këtë javë në hapjen e projektit “Fuqizimi Ekonomik i Grave”, i cili synon të ndihmojë në rritjen e të ardhurave të grave, të heqë barrierat ekonomike dhe të ofrojë mundësi këshillimi, trajnimi dhe financimi për gratë sipërmarrëse në rrethin e Tiranës. Në fjalën e saj, ambasadorja Kim vuri në dukje një thënie të famshme të Skënderbeut se bashkimi bën fuqinë dhe ajo nxiti gratë të jenë të bashkuara në përpjekjet e tyre për të krijuar mundësi më të mëdha ekonomike. Ajo gjithashtu nxiti pjesëmarrëset që të shmangin përçarjet dhe të vendosin vetë se çfarë duan të bëjnë, duke shtuar se "vendi i një gruaje është aty ku ajo dëshiron të jetë". Nisma do të zbatohet nga Qendra Aleanca Gjinore për Zhvillim (GADC), në bashkëpunim me Bashkinë e Tiranës.”- thuhet në postimin e Kim.

Lajmet e fundit nga