Cila është frika më e madhe e Gjergj Lucës/ Sipërmarrësi e thotë troç

16 Dhjetor 2022, 21:11, Aktualitet CNA

Cila është frika më e madhe e Gjergj Lucës/

Sipërmarrësi i njohur Gjergj Luca, së shpejti do të zgjerojë aktivitetin e tij edhe në juglindje, e konkretisht në Korçë.

Gjatë një interviste televizive, Luca u shfaq mjaft energjik dhe entuziast, teksa tregoi se do të hapen dy reparte të mëdha, ku do të punësohen qindra qytetarë.

Duke theksuar si gjithmonë se ai nuk heq dorë nga peshkimi, Luca shprehet se do të testohet potenciali i zonës dhe nëse gjërat shkojnë sipas parashikimeve mund të happen edhe vende të tjera pune në këtë zonë.

“Mendoj, të shohim gjithë potencialin e gjithë zonës, por ne kemi filluar me dy repartee të mëdha. Në rast se këto dy reparte do të mbushen do shohim për vende të reja.”- shprehet Luca në intervistën e tij me Suela Demiri.

Më tej ai u pyet se çfarë e frikëson atë?

“Unë kam frikë kur gënjej, unë kam frikë kur përçmoj njerëzit, unë kam frikë nga çdo element që nuk është i dashur në marrëdhënie me njerëzit, unë e kam frikë.”- tha sipërmarrësi Luca.

Më tej Luca u pyet nëse e kanë tradhëtuar ndonjëherë?

"Nuk është problemi më kanë tradhëtuar apo jpo, njeriu ngrihet nga zhgënjimet dhe e bukura e kësaj jete është se ne e nisim duke besuar çdo gjë. Dhe gjatë jetës zhgënjimet janë shumë të mëdha sa me kalimin e viteve ne shohim se kemi shumë pak njerëz rreth vetes."- tha ai.

Po çfarë do të bëjë Luca me biznesin e tij në të ardhmen, nëse fëmijët e tij nuk do t'a menaxhojnë dot aktivitetin?

"Kurrë nuk e kam menduar, edhe kur mu mbyllën të gjitha bizneset, kur rashë në burg në internim. Kam mendu diçka tjetër, në rast se unë nuk do të je mi zoti që të edukoj një fëmijën tim për ta administruar nesër, unë nuk e di se çfarë do të bëj, mbase do bëj një fondacion, të bëj një organizim të tillë që kjo punë t’i ngeli Shqipërisë, që kjo punë t’i japi shpresë njerëzve.”- tha ai./CNA.al