web counter
LEXO PA REKLAMA!

SHKARKO APP

App Store
Google Play

Gjyqtarja heq dorë nga çështja e ukrainasit të akuzuar për spiunash/ Pritej të zëvendësonte masën e sigurimit

16 Dhjetor 2022, 20:38, Aktualitet CNA
Gjyqtarja heq dorë nga çështja e ukrainasit të akuzuar
Fedyr Alpatov

Gjyqtarja e çështjes së ukrainasit Fedyr Alpatov, i akuzuar për spiunazh pas kapjes te Uzina e Gramshit, ka hequr dorë nga çështja.

Lajmin e ka bërë të ditur avokati Saimir Vishaj, i cili bën të ditur se gjyqtarja, e cila është njëkohësisht kryetare e Gjykatës Elbasan, ka argumentuar kërkesën e saj me arsyetimin se i punonte bashkëshorti në Ministrinë e Mbrojtjes.

Vishaj deklaron se tashmë duhet pritur që vendimin për gjyqtaren të jepet nga Gjykata e Apelit të Durrësit, ndërkohë që afati i kërkesës së shtetasit ukrainas për të zëvendësuar masën e sigurimit është 5 ditë.

“Sot në Gjykatën e Elbasanit, në orën 13 e 30 ishte planifikuar seanca gjyqësore me objekt zëvendësimin masë sigurimi për shtetasin ukrainas Fedyr Alpatov, i akuzuar për spiunazh në fabrikën e armëve Cekin Gramsh, i arrestuar në 20.08.2022. Gjyqtare që gjykonte ishte Kryetarja e Gjykatës Elbasan, e cila në seancë gjyqësore hoqi dorë nga gjykimi me arsyetimin se i punonte bashkëshorti në Ministrinë e Mbrojtjes. Dorëheqja e saj do gjykohet nga kryetari i Gjykatës së Apelit Durrës. Afati i kërkesës së shtetasit ukrainas është 5 ditë. Në këto kushte duhet pritur Gjykata e Durrësit për fatin e gjyqtares që do gjykojë kërkesën për zëvendësimin masë sigurimi”, thekson ai./ B.A. – CNA.al





Lajmet e fundit nga