E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Foto+Video- Shqiptarët nuk i ndalon as burgu për të bërë qejf/ Daily Mail ngre alarmin në drejtësinë britanike

16 Dhjetor 2022, 22:45, Aktualitet CNA

Foto+Video- Shqiptarët nuk i ndalon as burgu për të

Shqiptarët nuk i ndalon as burgu që të argëtohen.

Së fundmi Daily Mail, ka publikuar një artikull, që flet për shqiptarët të cilët publikojnë nga burgu video në Tik-Tok.

Një prej persona që është përmendur në artikull është edhe Edison Kaculi, 28-vjeç.

"Edison Kaculi, 28-vjeçari i dënuar me burg në Britani është bërë viral në rrjetin social TikTok pasi ka shpërndarë një video, duke bërë një simbol të armës me duar. Në video duket qartë që ai bashkë më miqtë e tij të qelisë kërcejnë duke dëgjuar muzikë rrep. Kaculi, mendohet se ka hyrë ilegalisht në Britani, tre vjet më parë dhe është dënuar në korrik për trafik droge."- shkruhet në artikull.

Sipas statistikave të fundit të Home Office, aktualisht janë më shumë se 1,330 shqiptarë që vuajnë dënimin në burgjet e Mbretërisë së Bashkuar, duke i kushtuar taksapaguesit britanik më shumë se 57 milionë funte në vit, shkruan Daily Mail.

Kaculi u burgos pas një sulmi që ndodhi në Gravesend, Kent, në qershor 2020, ku mbeti i plagosur rëndë një burrë.

Aktualisht videot janë fshirë nga Tik-Tok pasi MailOnline kontaktoi Ministrinë e Drejtësisë dhe u krye një kontroll në burg, megjithëse nuk dihet nëse telefoni me të cilin bëheshin video-t është kapur apo jo./CNA.al