E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

“Fjalët e tij i kam pasur postulata”/ Gjergj Luca: Babai im do ishte krenar, çfarë më thotë nëna

16 Dhjetor 2022, 22:19, Aktualitet CNA

“Fjalët e tij i kam pasur postulata”/ Gjergj Luca: Babai im do

Biznesmeni dhe sipërmarrësi, Gjergj Luca

Biznesmeni dhe sipërmarrësi, Gjergj Luca është rrëfyer si rrallëherë më parë dhe ka kujtuar babain e tij të ndjerë, aktorin e madh Ndrek Luca.

Sipërmarrësi kujtoi se në rini ka qenë "arrakat", por theksoi se vitin e fundit para se babai i tij të ndërronte jetë kanë qenë shumë të lidhur me njëri-tjetrin.

Luca deklaroi në një intervistë me gazetaren Suela Demiri se fjalët e aktorit i ka pasur gjithmonë si postulata dhe se babai do të ishte krenar për arritjet e tij.

Gjithashtu, ai tregoi edhe fjalët e nënës, e cila shprehet se është e lumtur që ka dy djem punëtorë.

“Nëna ime thotë një fjalë. Nëna ime thotë unë do vdes e lumtur se më kanë qëlluar të dy djemtë punëtorë. Nuk thotë as të mëdhenj, as këtej, as andej, por thotë punëtorë, as me lekë. Madje mamanë kam pozicionin më të fortë që thotë: “stop djalo, stop. Nuk është vend ky, a e shikon ti punon, këta të shajnë. A shikon, ti flet një fjalë sinqerisht, se si sillen, se si ta përkthejnë” dhe më thotë stop, rri rehat, por nuk mund të rri unë rehat.

Mua im atë më iku në janar të ’93-shit dhe e kam pengun më të madh që mua nuk më gëzoi, nuk më pa që unë ndërrova se unë kam qenë pak arrakat, kam qenë pak temperament dhe nuk më pa që unë ndërrova. Ndërrova se më ra familja mbi shpinë, a më kupton? Dhe atë punë e kam merak, por fjalët e babit tim, vitin e fundit sidomos, se mua më ka zgjatur pak adoleshenca dhe mu ka dukur vetja i mençur deri në moshën 27 vjeç dhe im atë i pamençur 26 vjeç. Dhe 26, 27 vjeç unë kuptova që babain e kisha burrë të mençur dhe vitin e fundit e kam pasur si shok dhe i kam pasur postulata të gjithë fjalët e tij.

Dhe sigurisht që do të ishte krenar, sigurisht sepse edhe prindërit e mi shkëlqyen në atë profesion që ishin dhe nuk ka rëndësi njeriu me çfarë merret, rëndësi ka që njeriu të plotësojë veten, ta ndjejë veten mirë, të mundohet të ecë përpara”, theksoi ai./ B.A. – CNA.al