web counter
LEXO PA REKLAMA!

SHKARKO APP

App Store
Google Play

E fundit!

x

Vijon moti me reshje/ IGJEUM: Rrezik për rënie gurësh e inertesh, si edhe vërshime uji

24 Nëntor 2025, 16:24, Aktualitet CNA

Vijon moti me reshje/ IGJEUM: Rrezik për rënie gurësh e inertesh,

Instituti i Gjeoshkencave ka ndarë sot një parashikim për kushtet e motit për këtë të hënë pasdite dhe ditën e martë.

Sipas parashikimit, fillimi i kësaj jave do të vijojë të shoqërohet me reshje intensive shiu në disa nga qarqet e vendit.

Ndërkohë, në zonat me nivel mbi 1000 metra mbi nivelin e detit do të ketë reshje në formë dëbore.

Po ashtu, lidhur me kushtet e paqëndrueshme të motit, IGJEUM parashikon rrezik nga disa probleme nga reshjet e shiut, si rënie gurësh e inertesh dhe vërshime të ujit në zonat urbane.

Reshjet:

Sot pasdite, e hënë, datë 24 nëntor, priten reshje të dobëta në të gjitha qarqet.

Nesër, e martë, datë 25 nëntor, priten reshje intensive në qarqet Shkodër dhe Kukës, ndërsa në qarqet Vlorë dhe Gjirokastër priten reshje mesatare deri lokalisht intensive të shoqëruara me shtrëngata. Në qarqet Dibër, Lezhë dhe Korçë priten reshje të dobëta deri lokalisht mesatare shoqëruar me shtrëngata, ndërsa në qarqet e tjerë priten reshje të dobëta.

Në veri në lartësitë mbi 1000 m nga niveli i detit reshjet do të jenë në formë dëbore.

Nesër shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër, Kukës, Vlorë dhe Gjirokastër.

Temperatura:

Nesër temperaturat minimale dhe maksimale të ajrit pritet të arrijnë:

Në bregdet: 14 / 17 °C

Në vendet e ulëta: 9 / 16 °C

Në vendet malore: 5 / 9 °C

Era:

Sot dhe nesër, era pritet të fryjë mesatare deri e fortë kryesisht në bregdet./CNA





Lajmet e fundit nga