LEXO PA REKLAMA!

SHKARKO APP

Universiteti “Western Balkans”, bursa studimi për maturantët nga Kukësi, Hasi, Tropoja dhe Peshkopia

12 Shtator 2023, 17:18, Aktualitet CNA

Universiteti “Western Balkans”, bursa studimi për

Universiteti “Western Balkans” do të ofrojë bursa studimi në programet Bachelor për maturantët që vijnë nga qytetet e Kukësit, Hasit, Tropojës dhe Peshkopisë.

Bursat do të mundësohen nga Dhoma e Tregtisë së Mbretërisë së Bashkuar në Tiranë, në kuadër të projektit “Perspektiva të Reja”, në bashkëpunim me Ambasadën e Mbretërisë së Bashkuar në Shqipëri.

Universiteti “Western Balkans”, bursa studimi për

Presidenti i universitetit, Ferdinand Gjana tha se këto projekte motivojnë shumë të rinjtë për të studiuar dhe zgjedhur një të ardhme më të mire.

"Me fokus të veçantë në teknologji, mjekësi dhe biznes, 'Western Balkans' ofron rreth 25 degë të nivelit master dhe barchelor për studentë që vijnë nga 15 shtete të ndryshme", u shpreh ai.

Ambasadori britanik, Alastair King-Smith theksoi se kjo është një mundësi fantastike për maturantët, për të qëndruar në vendin e tyre dhe për të mësuar nga më të mirët, si dhe për të krijuar të ardhmen e tyre në Shqipëri.

Universiteti “Western Balkans”, bursa studimi për

"Kudo në Shqipëri ka nevojë për investim, nevoja më e madhe është në veri të vendit. Kjo është një nga arsyet se përse Mbretëria e Bashkuar është e interesuar në këto çështje, sepse ndikon drejtpërdrejt në emigrimin drejt Britanisë së Madhe, për të investuar në Shqipëri, që të rinjtë ta shohin të ardhmen e tyre këtu dhe jo jashtë vendit", tha Alastair King-Smith.

Kryetari i Dhomës së Tregtisë të Mbretërisë së Bashkuar në Tiranë, Klodian Allajbeu u shpreh se Universiteti 'Western Balkans' është i përkushtuar për të ofruar më të mirën, qoftë nga ana infrastrukturore qoftë dhe nga mundësitë e shumta që ofron.

Universiteti “Western Balkans”, bursa studimi për

Dhoma Britanike e Tregtarisë është e gatshme që të mbështesë edhe studentë në universitete të tjera.

Maturantët duhet të aplikojnë në U-Albania dhe të zgjedhin një nga program bachelor të ofruar nga Universiteti 'Ëestern Balkans' në raundine  dytë të aplikimve, i cili zgjat nga data 15 deri në 17 shtator 2023./ CNA

Lajmet e fundit nga