LEXO PA REKLAMA!

SHKARKO APP

Miratohet ligji për ndryshimet në Gjykatën Kushtetuese/ Bylykbashi voton kundër

12 Shtator 2023, 12:46, Aktualitet CNA

Miratohet ligji për ndryshimet në Gjykatën Kushtetuese/

Komisioni i Ligjeve ka miratuar këtë të martë ndryshimet në ligjin për Gjykatën Kushtetuese.

Ndryshimet u miratuan me 12 vota pro, 1 abstenim (Fatmir Xhafajt) dhe 1 votë kundër (Oerd Bylykbashit).

Ndryshimet konsistojnë në rritjen e pagave të gjyqtarëve të Gjykatës Kushtetuese dhe Komisionit të Posaçëm të Apelimit.

Për zv.ministrin e drejtësisë, Klajd Karameta, tha se trajtimi financiar me pagë është respekti që njeriu ka ndaj vetes dhe institucionit.

“Trajtimi financiar me pagë është respekti që njeriu ka ndaj vetes dhe institucionit. Shteti tregon respektin ndaj tyre. Është pjesa më e madhe e kënaqësisë profesionale. Ndryshimet e sotme do ta shoqërojnë Gjykatën Kushtetuese dhe në 10 vitet në vazhdim.”

Në komision, deputeti socialist Fatmir Xhafaj edhe pse deklaroi se është pro rritjes së pagave shfaqi rezerva duke e krahasuar rolin e gjyqtarëve të Gjykatës Kushtetuese me Gjykatën e Lartë.

Ai theksoi se nuk duhet të ketë një diferencë kaq të madhe pagash mes gjyqtarëve të Kushtetues dhe atyre të GJKKO dhe Gjykaës së Lartë që gjykojnë krimin.

“Një gjyqtar i Gjykatës Kushtetuese merr dyfishin e pagës së gjyqtarëve të Gjykatës së Lartë. Një gjyqtar i Kushtetueses i bie të marrë 644 640 lekë dhe një i GJKKO që gjykon nga mëngjesi deri në darkë i bie të marrë 376 380 lekë. Nuk jam kundër rritjes së pagave, gjyqtarët e Gjykatës Kushtetuese të kenë pagë më të lartë, por personalisht nuk e kuptoj si është ndërtuar e gjitha kjo, ky përpjesëtim kaq i madh dhe fakti që këta paskan një vështirësi të madhe në punë mbi këta që gjykojnë krimin, korrupsionin që hetojnë dhe gjykojnë edhe këta për korrupsion”, tha Xhafaj.

Oerd Bylykbashi deputet i Partisë Demokratike gjithashtu u shpreh kundër rritjes së pagave për gjyqtarët e Gjykatës Kushtetuese. “Mbas këtij favori nga qeveria, gjykata nuk do të kalojë asgjë. Ndryshimet kërkojnë shumicë të cilësuar prej 84 votash, ndaj duhet bashkëpunim mes mazhorancës dhe opozitës”, tha Bylykbashi.

Lajmet e fundit nga