Sekretari i Përgjithshëm i PS-së, Blendi Klosi, ka bërë me...
Rrëzimi i kandidaturës së Mirakës/ Justifikohet Balla: Nuk pranojmë firmën e Berishës
30 Maj 2022, 10:45, AktualitetCNA
Kreu i grupit parlamentar të PS-së
Kryetari i Grupit Parlamentar të PS-së, Taulant Balla, ka ripërsëritur deklaratën e tij duke thënë se nuk do të marrin parasysh asnjë shkresë të firmosur nga kryetari i PD-së, Sali Berisha.
Sipas Ballës, kjo është edhe arsyeja pse nuk kanë kanë marrë në konsideratë propozimin për Simon Mirakën për anëtar të Autoritetit për të Drejtën e Informimit mbi Dokumentet e ish-Sigurimit të Shtetit.
“Për katranin me bojë e kam thënë. Dua të sqaroj një element se u krijua një stuhi në gotë, lidhur me një procedurë të ndjekur nga Ligjet, për kandidaturat për dosjet e ish-Sigurimit të Shtetit. Ka pasur një akuzë të sekretarit të përgjithshëm të PD-së, Bardhi. Dua të sqaroj se sa i përket kandidaturës së Simon Mirakës, ne e kemi votuar disa vite më parë, kandidon për një mandat të dytë, e ne nuk kemi asgjë me të. Kemi konstatuar se për deputetët që kanë propozuar, është përfshirë edhe katrani me bojë dhe e ka bërë pis emrin e zotit Miraka. Dhe për ne është e pamundur që ai të marrë mbështetjen tonë në Kuvend. Në aspektin tonë, sot të kandidosh për anëtarë të autoritetet të verifikimit të dosjeve, dhe të marrësh firmën e Berishës, është njëlloj si të kishe në diktaturë mbështetjen e Sigurimit të Shtetit. Sa kohë që në një dokument shfaqet firma e katranit me bojë, dhe në rastin në fjalë është e rëndë. Si mund të marrësh firmën e një personi që është si Sigurimi në diktaturë. I kërkoj Mirakës të pastrojë listën e emrave nga katrani me bojë", tha Balla./ CNA.al
