LEXO PA REKLAMA!

SHKARKO APP

E fundit!

x

"Wizz Air" anulon fluturimin në Piza/ Lë pasagjerët 'në qiell të hapur'

29 Maj 2022, 19:54, Aktualitet CNA

"Wizz Air" anulon fluturimin në Piza/ Lë pasagjerët

250 udhëtarë që duhet të udhëtonin sot nga Piza e Italisë drejt Rinasit, kanë mbetur në qiell të hapur.

CNA.al raportoi më parë se fluturimi me "Wizz Air" ishte shtyrë disa herë, pasi dyshohet se avioni i kësaj kompanie ka pësuar defekt.

Por burimet bëjnë të ditur për CNA.al se tashmë fluturimi është anuluar nga kompania dhe udhëtarët janë nxjerrë jashtë ambienteve të aeroportit.

Pasagjerët janë lënë të presin në qiell të hapur për një afat të pacaktuar.

Ndërkohë, kujtojmë se udhëtimi ishte planifikuar të niste në orën 15:45 të ditës së sotme. Me anë të një mesazhi, udhëtarët u njoftuan se fluturimi do të shtyhej.

Në orën 16:38 ata u njoftuan se do të niseshin në 18:00, ndërsa vetëm disa minuta më vonë, në orën 16:56, udhëtarët morën një mesazh tjetër ku thuhej se fluturimi ishte shtyrë sërish për në 17:20.

Pa dhënë shpjegime, në orën 17:39 kompania u ka dërguar sërish mesazh udhëtarëve se udhëtimi do të bëhej ditën e nesërme në 07:00 të mëngjesit, e ndërsa tani e ka anuluar fare.

Por ky nuk është i vetmi udhëtim që ka pasur probleme, pasi disa fluturime të tjera janë ulur në Bari e Brindizi./ CNA.al

"Wizz Air" anulon fluturimin në Piza/ Lë pasagjerët

Lajmet e fundit nga