web counter
LEXO PA REKLAMA!

SHKARKO APP

App Store
Google Play

E fundit!

x

Rama ‘i fal’ Plazhin e Gjeneralit kompanisë private/ PD-ja e Saliut dhe ‘trimat’ e Lulit heshtin

29 Maj 2022, 19:23, Aktualitet CNA
Rama ‘i fal’ Plazhin e Gjeneralit kompanisë private/ PD-ja e
Plazhi i Gjeneralit

Prej disa javësh në media është denoncuar afera korruptive e qeverisë, e cila po ‘i fal’ Plazhin e Gjeneralit një kompanie private.

Përmes një vendimi në Komitetin e Investimeve Strategjike, qeveria ka vendosur t’i japë falas 635 mijë metër katrorë tokë publike kompanisë “Mediterranean Wave”, e krijuar vitin e kaluar nga Shijaku sh.p.k. e Shpëtim Shijakut.

Kompania ka marrë statusin e investitorit strategjik dhe përmes tij qeveria i ka dhënë asaj edhe të drejtën ekskluzive të shfrytëzimit të plazhit ranor për 30 vjet.

Këtë aferë e denoncoi fillimisht gazetari Klodian Tomorri dhe më pas u raportua edhe nga CNA.al dhe media të tjera si "Syri Tv", "Faktor", "Bold News", "Dosja", "Albeu", gazeta "Panorama", "MCN" dhe "Pamfleti".

Por pavarësisht se qeveria ka kryer aferën korruptive të vitit, askush nuk po reagon dhe nuk po kërkon llogari nga politika. Askush nga opozita nuk nuk flet, kryesore është Partia Demokratike.

Nuk flet as PD-ja zyrtare që tashmë ka kryetar Sali Berishën dhe institucionet e saj, e cila denonconte shumë në Facebook-un e doktorit nëpërmjet qytetarit dixhital dhe nuk flet as pjesa e Lulzim Bashës.

Koha për të pasur qytetar dixhital e të tjera si këto, duket se ka marrë fund. PD-ja duhet të flasë zyrtarisht! Strukturat janë zgjedhur! Kryetari është në seli! Kryesia është zgjedhur!

Si ka mundësi që nga selia e PD-së ku është kryetar Sali Berisha nuk ka asnjë fjalë?

Po nga “trimat” e Lulzim Bashës të cilët thonë se nuk kanë bashkëpunim me Edi Ramën?

Pse nuk bën askush denoncim për një nga perlat e Shqipërisë për një koncesion miliona euro?

Denoncimi është bërë në media nga gazetarë, ndërsa opozita hesht dhe pastaj thonë që media është e blerë. Ky nuk është i vetmi rast, por është një nga ato raste që CNA.al do ta monitorojë dhe ditë pas dite do të denoncojë rastet kur media jep të dhëna në lidhje me koncesionet e qeverisë, i denoncon këto, por heshtet edhe nga ajo PD që quhet e Lulit dhe e Alibeajt, por edhe nga PD-ja zyrtare e sotme e Sali Berishës./ CNA.al





Lajmet e fundit nga