web counter
LEXO PA REKLAMA!

SHKARKO APP

App Store
Google Play

E fundit!

x

Do të përcillet me ceremoni shtetërore/ Trupi i Bujar Nishanit sillet të martën në Shqipëri

29 Maj 2022, 17:23, Aktualitet CNA
Do të përcillet me ceremoni shtetërore/ Trupi i Bujar Nishanit
Ish-Presidenti Bujar Nishani

Pas lajmit të hidhur për ndarjen nga jeta, pritet që trupi i ish-Presidenti Bujar Nishani të mbërrijë në atdhe.

Mësohet se trupi i Nishanit do të vijë në Shqipëri të martën e 31 majit. Mediat rapotojnë se stafi mjekësor dhe familjarët e ish-Presidentit po merren me procedurat përkatëse.

Procedura mund të përfundojë ditën e hënë dhe trupi do të mbërrijë në vendin tonë këtë të martë, kur pritet të bëhen edhe nderimet e fundit.

Këshilli i Ministrave, përmes një vendimi të posaçëm ka lajmëruar se Nishani do të përcillet për në banesën e fundit nëpërmjet një ceremonie zyrtare.

Kujtojmë se ish-Presidenti u nda nga jeta pas një beteje të gjatë me sëmundjen në spitalin universitar "Charite" në Berlin, një ndër spitalet më të njohura në Gjermani.

Situata shëndetësore e ish-Kreut të shtetit u rëndua pas infektimit të tij me COVID-19 dy muaj më parë. Ai vuante nga një sëmundje autoimune në mëlçi dhe nuk arriti t’i tejkalojë pasojat që virusi i kishte lënë në organizëm.

Për humbjen e tij kanë ardhur një numër i madh mesazhesh ngushëlluese nga figura të njohura të politikës dhe personalitete./ CNA.al





Lajmet e fundit nga