web counter
LEXO PA REKLAMA!

SHKARKO APP

App Store
Google Play

Nxjerrja e dy efektivëve nga humnera/ Ambasada e SHBA-së zbardh detaje nga operacioni i KFOR-it

28 Maj 2022, 20:58, Aktualitet CNA
Nxjerrja e dy efektivëve nga humnera/ Ambasada e SHBA-së zbardh detaje
Ambasada e SHBA-së në Tiranë

Ambasada e SHBA-së në Tiranë ka reaguar pas operacionit të KFOR-it që bëri të mundur nxjerrjen nga humnera të dy efektivëve në një zonë malore të fshatit Shosh, Dukagjin.

Ambasada bën të ditur se misioni i KFOR-it dërgoi një helikopter Black Hawk në veri të Shqipërisë, pas kërkesës për ndihmë nga autoritetet shqiptare.

Sipas saj, ekuipazhi mjekësor i evakuimit bëri të mundur shpëtimin me ngritje të dy oficerëve të plagosur të policisë dhe më pas u dha ndihmë mjekësore.

Pas stabilizimit, ata u transportuan drejt Tiranës për ndihmë të mëtejshme mjekësore.

“Sot (28 maj 2022), pas një kërkese për ndihmë nga autoritetet shqiptare për evakuimin mjekësor të dy policëve shqiptarë, të cilët pësuan një aksident të rëndë në një rajon malor në veri të Shqipërisë, Misioni i KFOR-it i udhëhequr nga NATO dërgoi në vendin e aksidentit një helikopter Black Hawk nga Trupa e Aviacionit Lindor të Komandës Rajonale të KFOR-it. Ekuipazhi mjekësor i evakuimit, me ndihmën performancës së lartë të helikopterit Black Hawk në shpëtimin me ngritje, nxorri në mënyrë të sigurt dy oficerët e plagosur të policisë dhe më pas u dha ndihmë mjekësore. Pas stabilizimit, personeli i plagosur është transportuar në spitalin e Tiranës për ndihmë të mëtejshme mjekësore”, thuhet në deklaratën e ambasadës amerikane./ CNA.al

 





Lajmet e fundit nga