web counter
LEXO PA REKLAMA!

SHKARKO APP

App Store
Google Play

Nusja u kap ‘mat’ me të dashurin/ Belshaku: Dëshmi se si trajtohet vajza dhe gruaja shqiptare

29 Maj 2022, 19:28, Aktualitet CNA
Nusja u kap ‘mat’ me të dashurin/ Belshaku: Dëshmi se si
Sabina Belshaku

Pedagogia dhe studiuesja e punëve sociale, Sabina Belshaku, ka komentuar rastin e shumëpërfolur të ditëve të fundit.

Një video e publikuar në rrjetet sociale tregonte një grua e cila u filmua nga prindërit e bashkëshortit teksa u kap mat me të dashurin e saj.

Belshaku tha se kjo video është dëshmi që tregon se si trajtohet vajza dhe gruaja shqiptare në këtë kohë.

“Videoja për mua është një dëshmi e gjallë e një fenomeni që ka kapur shoqërinë shqiptare. Dëshmon hapur shoqërinë tonë patriarkale. Ne jemi produkte sociale të mendësisë sonë patriarkale. Manifestohet dukshëm në rolet dhe atributet gjinore të cilët kanë ndërtuar strukturat tona sociale të turpit dhe të nderit.

Është dëshmi e një videoje që tregon se si trajtohet vajza dhe gruaja shqiptare në këtë kohë. Shoqëria shqiptare është ende e ngurtë sepse vajzat shqiptare ende kanë ëndrrën për martesë, e shohin si të vetmen mënyrë me të cilën mund të dalin nga sundimi i baballarëve dhe i vëllezërve. E shohin si një mënyrë përmes së cilës mund të gëzojnë respekt. Unë e shoh rastin një manifestim atipik shqiptar me doza të mendësisë tradicionale patriarkale dhe të lidhur me faktorë të tjerë socialë si varfëria, papunësia".

Sipas saj në rast se i njëjti rast do t'i kishte ndodhur një djali do të shikohej me më shumë lavde krahasuar me pozicionin e gruas, kjo për hir të mendësisë.

"Nëse do ta kishte bërë burri një tradhti do të shikohej me më shumë lavde krahasuar me pozicionin e gruas, kjo për hir të mendësisë. Ne e dimë që kur lindte gruaja qanin edhe trarët e shtëpisë. Apeli im është që ne të fuqizojmë strukturat mbështetëse të familjes, t'i mësojmë familjet si të përballin krizat e brendshme. T'i mësojmë linjat e komunikimit brenda familjes, të fuqizojmë më shumë rolin e gruas”.

 





Lajmet e fundit nga