LEXO PA REKLAMA!

SHKARKO APP

Digjen tri raundet/ Presidenti, në dorën e PS-së

30 Maj 2022, 10:17, Aktualitet CNA

Digjen tri raundet/ Presidenti, në dorën e PS-së

Siç u paralajmërua më herët, ka dështuar edhe raundi i tretë për zgjedhjen e Presidentit. Sot në seancën plenare u bë me dije se asnjëra nga palët, as mazhoranca dhe as opozita, nuk kanë paraqitur asnjë kandidat për Presidentin.

PD-ja bojkotoi seancën, por pavarësisht kësaj, procedurat kanë vijuar.

Komisioni i Çështjeve Ligjore ka paraqitur në Kuvend raportin. Komisioni konstatoi se deri në afatin e përcaktuar nuk është prezantuar asnjë kandidat.

Në këto kushte në zbatim të Kushtetutës, Komisioni i paraqet raportin me qëllim mbylljen e raundit të tretë për zgjedhjen e Presidentit.

“Nuk është paraqitur asnjë propozim për Presidentin. Votimi quhet i ezauruar”, bëri me dije kryetarja e Kuvendit, Lindita Nikolla.

Në dy raundet e fundit, për të zgjedhur Presidentin e ri mjaftojnë 71 vota të deputetëve, vota që PS-ja i ka dhe mund të zgjedhë kë të dojë./CNA.al

Lajmet e fundit nga