web counter
LEXO PA REKLAMA!

SHKARKO APP

App Store
Google Play

E fundit!

x

Ndarja nga jeta e Kryepiskop Anastasit dhe fronëzimi i Fortlumturisë së Tij, Joanit/ Kisha Orthodhokse në një vit

1 Janar 2026, 16:20, Aktualitet CNA

Ndarja nga jeta e Kryepiskop Anastasit dhe fronëzimi i Fortlumturisë

Kisha Orthodhokse Autoqefale e Shqipërisë për vitin 2025, pati disa ndryshime në drejtimin e saj.

Më 25 janar 2025, kaloi në amëshim Kryepiskopi i Tiranës, Durrësit dhe gjithë Shqipërisë, Anastas Janullatos, në moshën 95-vjeçare.

Fortlumturia e Tij, Anastas Janullatos, e drejtoi Kishën Orthodhokse Autoqefale të Shqipërisë për 33 vite, duke filluar që prej qershorit të vitit 1992.

Pas ndarjes nga jeta të Fortlumturisë së Tij, Janullatos, Kryepiskop i Tiranës, Durrësit dhe gjithë Shqipërisë u zgjodh Joan Pelushi.

Fortlumturia e Tij, Joan Pelushi, u zgjodh Kryepiskop i Tiranës, Durrësit dhe gjithë Shqipërisë më 16 mars 2025 nga Sinodi i Shenjtë i KOASH-it, me vota unanime.

Më parë, Fortlumturia e Tij, Joan Pelushi ishte Mitropolit i Korçës, ku u fronëzua që prej 20 korrikut të vitit 1998.

Pas emërimit të Fortlumturisë së Tij, Joanit si Kryepiskop, Mitropolit i Korçës u zgjodh Hirësi Anastas Mamaj.

Më 16 shtator 2025, Sinodi i Hirshëm i Kishës Orthodhokse Autoqefale të Shqipërisë, nën drejtimin e Fortlumturisë së Tij, Joanit, zgjodhi Hirësinë e Tij, Anastasin, Mitropolit të Korçës.

Më 28 qershor 2025, ndërroi jetë Mitropoliti i Gjirokastrës, Imzot Dhimitri. Hirësi Dhimitri shërbeu si Mitropolit i Gjirokastrës që nga 11 nëntori i vitit 2006, ku u zgjodh nga Sinodi i Shenjtë i Kishës Orthodhokse Autoqefale të Shqipërisë.

Pas kalimit të Hirësi Dhimitrit në amëshim, Mitropolit i Gjirokastrës u zgjodh Hirësi Nathanaili.

Hirësi Nathanaili u zgjodh unanimisht Mitropolit i Gjirokastrës nga Sinodi i Shenjtë i Kishës Orthodhokse Autoqefale të Shqipërisë, në kryesimin e Fortlumturisë së Tij, Kryepiskopit Joan, më 16 shtator 2025. Deri në zgjedhjen e tij, Hirësia shërbente si Mitropolit Titullar i Amantias që nga viti 2016.

Pas zgjedhjes së Hirësi Nathanailit si Mitropolit i Gjirokastrës, Mitropolia e Amantias drejtohej nga Arqimandrit Ignati.

Ndryshime u bënë dhe në përbërjen e Sinodit të Shenjtë, pas shkuarjes në amëshim të Hirësi Dhimitrit dhe zgjedhjes së Fortlumturisë së Tij, Joanit si Kryepiskop i Tiranës, Durrësit dhe gjithë Shqipërisë.

Përbërja e Sinodit të Shenjtë është si vijon më poshtë:

Fortlumturia e Tij, Kryepiskopi i Tiranës, Durrësit dhe i Gjithë Shqipërisë, Joani (Kryetar);

Hirësia e Tij, Mitropoliti i Apollonisë dhe Fierit, Nikolla;

Hirësia e Tij, Mitropoliti i Elbasanit, Andoni;

Hirësia e Tij, Mitropoliti i Gjirokastrës, Nathanaili;

Hirësia e Tij, Mitropoliti i Beratit, Asti;

Hirësia e Tij, Mitropoliti i Korçës, Anastasi;

Kryesekretar: Arkimandrit Ignati./CNA





Lajmet e fundit nga