web counter
LEXO PA REKLAMA!

SHKARKO APP

App Store
Google Play

E fundit!

x

"Rritja ekonomike në letër"/ Teliti: Bujqësia dhe industria në recesion për të tretin vit radhazi

31 Dhjetor 2025, 12:35, Aktualitet CNA

"Rritja ekonomike në letër"/ Teliti: Bujqësia dhe

Koordinatori i programit ekonomik në PD, Dorjan Teliti, përmes një reagimi në rrjetet sociale është shprehur se në tremujorin e tretë të këtij viti, dy shtyllat prodhuese të ekonomisë shqiptare, bujqësia dhe industria janë sërish në recesion, për të tretin vit radhazi.

Teliti shprehet se ndërsa qeveria krenohet me “rritje ekonomike”, në fakt ekonomia reale tkurret. Ai thekson se pa bujqësi dhe pa industri, nuk ka zhvillim, ka vetëm varfërim dhe emigracion.

Postimi i plotë:

RRITJE EKONOMIKE NË LETËR, RECESION NË TERREN!

Sipas INSTAT, në tremujorin e tretë 2025, dy shtyllat prodhuese të ekonomisë shqiptare janë sërish në recesion – për të tretin vit radhazi. Konkretisht “bujqësia” –1.73% dhe “industria” –4.75%.

Ndërkohë që qeveria krenohet me “rritje ekonomike”, prodhimi bie, fshati varfërohet, fabrikat falimentojnë apo ngadalësojnë prodhimin në rastin më të mirë dhe ekonomia reale tkurret.

Ironia? Ekonomia “rritet” pa bujqësi. Ekonomia “rritet” pa industri. Ekonomia “rritet” pa prodhim.

Kjo nuk është rritje ekonomike. Kjo është propagandë statistikash mbi një krizë reale 3-vjeçare të sektorëve që prodhojnë, punësojnë dhe mbajnë gjallë ekonominë.

Pa bujqësi dhe pa industri, nuk ka zhvillim – ka vetëm varfërim dhe emigracion. /CNA





Lajmet e fundit nga