web counter
LEXO PA REKLAMA!

SHKARKO APP

App Store
Google Play

E fundit!

x

I dënuar nga Franca/ Prokuroria e Shkodrës i sekuestron 6 pasuri dhe llogaritë bankare

30 Dhjetor 2025, 10:31, Aktualitet CNA

I dënuar nga Franca/ Prokuroria e Shkodrës i sekuestron 6 pasuri dhe

Prokuroria e Shkodrës ka sekuestruar pasuritë e shtetasit B.B. dhe familjarëve të tij.

Sekuestrimi i pasurive u bë pasi B. B. rezulton i dënuar nga autoritetet franceze për trafikim narkotikësh dhe rezulton se ai dhe familjarët e tij zotërojnë pasuri të dyshuara të përfituara nga veprimtari të paligjshme.

Prokuroria ka sekuestruar 3 makina, 3 motorë dhe disa llogari bankare.

 

Njoftimi i prokurorisë

 

Nuk justifikonte pasuritë, Prokuroria e Shkodrës sekuestron automjetet dhe mjetet motorrike të shtetasit B.B. dënuar më parë nga autoritetet franceze

Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Shkodër, bazuar në ligjin nr.10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë”, u sekuestruan automjetet dhe mjetet motorrike të shtetasit B.B. dhe familjarëve të tij.
Nga hetimet rezultoi se, shtetasi B.B. ka qënë dënuar më parë nga autoritetet franceze për veprën penale te “Trafikimit të lëndëve narkotike” të parashikuar nga neni 283/a të Kodit Penal dhe pas verifikimeve përkatëse kanë ekzistuar dyshime se ky shtetas dhe familjarët e tij zotërojnë pasuri apo të ardhura, shpërpjesëtimorë, në raport me nivelin e të ardhurave apo fitimeve nga veprimtari të ligjshme të deklaruara dhe as nuk përligjen prej tyre.
Për sa më sipër, bazuar në ligjin nr.10192, datë 03.12.2009 “Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë” u sekuestruan:
- Automjeti “Mercedes Benz”, Modeli S600L në emër të shtetasit B.B;
- Motorri “Piaggio”, Modeli Gilera, në emër të shtetasit B.B;
- Motorri “Yamaha”, Modeli MT09, në emër të shtetasit B.B;
- Automjeti “Volkswagen”, Modeli Golf 2.0 TDI, në emër të shtetasit G.B;
- Motorri “Yamaha”, Modeli YP250R, në emër të shtetasit G.B;
- Automjeti “Lancia”, Modeli Y, në emër të shtetases E.B;
- Të gjitha llogaritë bankare në emër të shtetasit B.B dhe familjarëve të tij.





Lajmet e fundit nga