web counter
LEXO PA REKLAMA!

SHKARKO APP

App Store
Google Play

E fundit!

x

Fushatë phishing në "WhatsApp"/ Policia, apel qytetarëve: Mos klikoni linqe të dyshimta

30 Dhjetor 2025, 09:46, Aktualitet CNA

Fushatë phishing në "WhatsApp"/ Policia, apel

Policia e Shtetit me anë të një njoftimi ka bërë një paralajmërim për një fushatë phishing që po ndodh në "WhatsApp", ku dërgohen mesazhe si kërkesë për votim për të përfituar bursë falas.

Policia bën me dije se këto mesazhe synojnë marrjen nën kontroll të llogarisë në aplikacionin “WhatsApp”.

Në njoftimin e bërë, policia bën thirrje që qytetarët të mos klikojnë linqe të dyshimta dhe të mos japin kode verifikimi.

 

Njoftimi i policisë

 

Policia e Shtetit/Paralajmërim për fushatë phishing në platformën “WhatsApp”

Drejtoria për Hetimin e Krimit Kibernetik paralajmëron qytetarët për qarkullimin e një fushate mashtruese (phishing) në platformën “WhatsApp”.

Këto mesazhe paraqiten si kërkesë për votim për çmimin e parë të një burse falas, në favor të një personi të afërt me dërguesin, i cili dyshohet se mund të ketë rënë më parë pre e këtij mashtrimi, duke sjellë më pas përhapjen e mesazhit te kontaktet e tij.

Mesazhet synojnë marrjen e kontrollit të llogarisë në aplikacionin “WhatsApp”, duke i drejtuar përdoruesit drejt faqeve të rreme dhe duke i nxitur të vendosin kode verifikimi, të cilat përdoren nga autorët për të përvetësuar llogarinë.

Policia e Shtetit iu bën thirrje qytetarëve:

 

•        Të mos klikojnë në lidhje të dyshimta, edhe kur mesazhi iu shkon nga kontakte të njohura;

 

•        Të mos japin kode verifikimi, fjalëkalime apo të dhëna personale;

 

•        Të aktivizojnë verifikimin me dy hapa (Tëo step verification) në aplikacionin “ËhatsApp”;

 

•        Të raportojnë çdo rast të dyshimtë pranë strukturave të Policisë së Shtetit.

 

Policia e Shtetit po monitoron situatën dhe fton qytetarët të tregojnë kujdes maksimal ndaj mesazheve që ofrojnë votime, çmime apo përfitime të menjëhershme.

 





Lajmet e fundit nga