web counter
LEXO PA REKLAMA!

SHKARKO APP

App Store
Google Play

Vlora prej 5 ditësh pa ujë/ Reagon kryebashkiakja Mersini: Pjesa e dëmtuar është gjetur

29 Dhjetor 2025, 11:49, Aktualitet CNA

Vlora prej 5 ditësh pa ujë/ Reagon kryebashkiakja Mersini: Pjesa e

Kryetarja e Bashkisë së Vlorës, Brunilda Mersini, ka bërë një deklaratë në lidhje me problematikën e ujit në qytetin bregdetar.

Mersini ka deklaruar se ditën e sotme do të ketë një testim gradual ku disa pjesë të qytetit do të fillojnë të furnizohen me ujë.

Kryebashkiakja ka njoftuar se pjesa e dëmtuar është gjetur dhe është duke ardhur në aeroportin e Rinasit.

 

“Mendoj që nuk është momenti të ndajmë përgjegjësitë. Ujësjellësi nuk është në varësi të bashkisë, por është momenti të menaxhojmë këtë fatkeqësi. Lajmi i mirë është se sot testimi ka rezultuar pozitiv në provën e fundit dhe një pjesë e qytetit, pra ajo e Lungomares, me një presion minimal për të mos rritur nivelin e riskut derisa të bëjmë zgjidhjen përfundimtare.

Pompa në këtë testim gradual do të fillojë të furnizojnë pjesë të veçanta të qytetit. Por theksoj se në qytet operojnë prej 3 ditësh mbi 15 bote uji, por u kemi dhënë prioritet institucioneve. Protesta organizohet nga opozita dhe nga anëtarët e Këshillit Bashkiak të opozitës. Nuk është momenti që të bëjnë opozitë me një fatkeqësi natyrore. Kjo është një analizë që i takon ndërmarrjes së ujësjellësit. Lajmi i mirë është që pjesa është gjendur dhe është duke mbërritur në aeroportin e Rinasit”, tha Brunilda Mersini.





Lajmet e fundit nga