web counter
LEXO PA REKLAMA!

SHKARKO APP

App Store
Google Play

E fundit!

x

Liturgjia Hyjnore/ Mesazhi i Fortlumturisë së Tij, Joan: Hapni zemrën tuaj dhe lejoni dritën e Krishtit të depërtojë 

28 Dhjetor 2025, 10:36, Aktualitet CNA

Liturgjia Hyjnore/ Mesazhi i Fortlumturisë së Tij, Joan: Hapni

Kryepiskopi i Tiranës, Durrësit dhe gjithë Shqipërisë ka drejtuar sot Liturgjinë Hyjnore në Katedralen “Ngjallja e Krishtit”. Fortlumturia e Tij gjatë predikimit theksoi rëndësinë e mesazheve të Ungjillit në jetën tonë.

Kryepiskopi Joan tha se kur një person nxit një tjetër të mëkatojë, ai është fajtori më i madh. Fortlumturia e Tij bëri thirrje që njerëzit të largojnë errësirën nga shpirti i tyre dhe të lejojnë dritën e Krishtit brenda në zemër.

“Nëse nxisim njerëz të shpifin dhe gënjejnë, të bëjnë mëkate jemi ne fajtorët. Prandaj do shumë kujdes në fjalët që flasim. Shpeshherë dhe padashje njerëzit, nxisin diçka me thashethem. Është faj i madh kur nxisim mëkatet e të tjerëve. Drita tregon gjithçka, prandaj nuk e duan.

Është e kuptueshme dhe e falshme që fëmijët të kenë frikë nga errësira, por tragjedia e vërtetë është kur të rriturit kanë frikë nga drita. Sepse drita që buron nga Krishti do të zbulojë gjithçka.

Një jetë pa dritë është pa gëzim dhe e gjymtuar. Ata që jetojnë në mënyrë të devotshme persekutohen. Hapni një dritare të vogël në zemrën tuaj dhe lejoni dritën e Krishtit të depërtojë në shpirt. Largimi i errësirës do ta çlirojë njeriun. Errësira nuk vjen vetëm nga jashtë, më e tmerrshmja është ajo që ndodhet brenda nesh. Zoti është atje ku ka gëzim dhe ndriçim, ndaj le të gëzohemi me përparimin e të tjerëve. Le të mundohemi të jemi bij të dritës, sespe ajo do të na japë gjithmonë gëzim”, u shpreh Fortlumturia e Tij. /CNA





Lajmet e fundit nga