web counter
LEXO PA REKLAMA!

SHKARKO APP

App Store
Google Play

Klodiana Lala: Ka çështje që implikojnë kryeministrin, mund të thirret në SPAK

29 Dhjetor 2025, 22:45, Aktualitet CNA

Klodiana Lala: Ka çështje që implikojnë kryeministrin,

Gazetarja Klodiana Lala deklaroi sot se ekzistojnë çështje të njohura për drejtësinë, që mund të kthehen si prioritare për Prokurorinë e Posaçme gjatë vitit të ardhshëm, në të cilat implikohet edhe kryeministri i vendit.

E ftuar në emisionin “Të paekspozuarit”, Lala u shpreh se kryeministri mund të thirret si person në dijeni në vitit 2026.

"Askush nuk të jep përgjigje me siguri për 2026. Çështja McGonigal është e rëndësishme, test i fuqishëm. Me ndryshimin e lidershipit të SPAK, Me zotin Braho, ajo çështje implikon deri te kryeministri dhe është prioritare, nisur nga disa zhvillime, ka një amendament të Kongresit, rikthim të ekspertëve të SHBA në SPAK dhe partnerëve të Britanisë së Madhe. E shoh si çështje prioritare.

Abuzimi me fondet e BE-së, është po ashtu një çështje që janë intensifikuar hetimet. Ka patur shkëmbime informacioni, sekuestrim dokmentash. Ka hetimet për rruget dhe koncesionet në shëndetësi, laboratët, check-up. Mund të kemi thirrje të kryeministrit për marrje në pyetje, janë dhënë që te dosja Balluku shkëndijat. Në një nga bisedat që bën Balluku me Berberin, përmend kryeministrin, që thotë kisha porosi nga kryeministri të takojë Ramë Gecin. A duhet ta thërrasë Ramën dhe ti kërkojë shpjegime, përse orientojë ministren të presë një biznesmen?  E shoh 2026 me kryeministrin të thirrur si person në dijeni"-tha Lala./CNA

 

 





Lajmet e fundit nga