web counter
LEXO PA REKLAMA!

SHKARKO APP

App Store
Google Play

E fundit!

x

Furnizim i pandërprerë me energji elektrike gjatë festave të fundvitit/ OSHEE harton plan masash

30 Dhjetor 2025, 16:19, Aktualitet CNA

Furnizim i pandërprerë me energji elektrike gjatë festave të

Operatori i Shpërndarjes së Energjisë Elektrike ka hartuar një plan masash për të garantuar furnizim të pandërprerë me energji elektrike për të gjithë abonentët përgjatë festave të fundvitit

OSHEE ka bërë me dije se 1 600 punonjës janë në gatishmëri në të gjithë vendin. Në një prezantim të planit të masave, kreu i OSSH, Bledian Dalipi, ku tha se përmes investimeve në Operatorin e Sistëmit të Shpërndarjes është bërë e mundur që në gjithë Shqipërinë të ketë një rrjet më të qëndrueshëm e të sigurtë.

“OSSH, funksionon në terren përmes 4 njësive kryesore. Ka edhe 11 rajone për tensionin e mesëm dhe të ulët. Kemi arritur dje pikun e ngarkesës sa i përket 2025, 29.2 mln kilovat orë konsum, piku kapet në 31 dhjetor, rritja e kërkesës dhe konsumi energjisë në rrjet, është trend prej më shumë se dy vitesh. Konstatojmë rritje të energjisë jo më pak se 7 %, është ngarkesë e madhe për rrjetin duhet të kemi kapacitete më shumë. Përmes investimeve të OSSH, kemi bërë të mundur që në gjithë Shqipërinë të kemi rrjet më të qëndrueshëm e të sigurtë. Konsumatorët vënë re se në shumë zona nuk ka më ndërprerje. Kemi ndërhyrë në 12 nënstacione. Investime janë kryer gjithashtu edhe në linjat e tensionit të mesëm. Përveç investimeve kemi edhe një punë të madhe që bëjmë me ekipet e terrenit. Vetëm për 2025, vetëm në rrjetin e tensionit të lartë kemi bërë ndërhyrje të thella në nënstacione. Kemi shkuar deri në konsumatorin e fundit. Do të garantojmë furnizim të pandërprerë jo vetëm për festat, jemi në sezonin e dimrit, gjë që na vend në alert më të lartë. Ka një ekip që ndjek cdo orë ngarkesat në të gjithë rrjetin e shpërndarjes. Krahas ekipeve që janë në qendrat dispecer kemi personel të shtuar. Nata e vitit të ri dhe gjithë periudha e festave do të mbyllet si duhet” u shpreh ndër të tjera ai. /CNA





Lajmet e fundit nga