web counter
LEXO PA REKLAMA!

SHKARKO APP

E fundit!

x

Akuzohej për vrasjen e ish-oficerit në Elbasan/ Gjykata shpall të pafajshëm Donald Hoxhën

30 Dhjetor 2025, 16:01, Aktualitet CNA
Akuzohej për vrasjen e ish-oficerit në Elbasan/ Gjykata shpall të
Roland Rexhepi

Autori i dyshuar i vrasjes së ish-oficerit të policisë, Roland Rexhepit në 2009 në Elbasan, është shpallur i pafajshëm. Vendimi për Donald Hoxhën u mor në seancën e sotme gjyqësore. Hoxha akuzohej për veprën penale “vrasje me paramendim”.

“Sot më datë 30.12.2025 u çel për shqyrtim seanca gjyqësore me të pandehur shtetasin D.H., akuzuar për veprën penale "Vrasja me paramendim” e kryer në bashkëpunim, parashikuar nga neni 78, pg. 1 e 25 të Kodit Penal.

Në përfundim të shqyrtimit gjyqësor, gjykata vendosi: -Deklarimin e pafajshëm të të pandehurit D.H”, thuhet në njoftimin e gjykatës.

Roland Rexhepi, ish-oficer policie, u qëllua për vdekje poshtë shtëpisë së tij në lagjen "Vullnetari" në Elbasan. Rexhepi është ekzekutuar 15 vite më parë, sapo doli nga pallati i tij, duke iu drejtuar garazhit për të marrë makinën dhe larguar në punë.

Për vrasjen e ish-oficerit deri tani janë arrestuar 4 autorë, Marjus Tafa dhe Armando Llakaj, të dy të dënuar me 24 dhe 23 vite burg, Florind Shabani, i ekstraduar gati katër vite më parë nga Gjermania, si dhe Donald Hoxha. Këta persona dyshohet se kanë bashkëpunuar për vrasjen e Rexhepit. /CNA





Lajmet e fundit nga