web counter
LEXO PA REKLAMA!

SHKARKO APP

App Store
Google Play

E fundit!

x

CNA shpall njeriun e vitit, prokurorin e “hekurt” Altin Dumani

31 Dhjetor 2025, 16:23, Aktualitet CNA

CNA shpall njeriun e vitit, prokurorin e “hekurt” Altin Dumani

Cna.al dhe CNA TV kanë shpallur njeriun e vitit, prokurorin më të komentuar dhe më të klikuar, ish-kreun e SPAK-ut, Altin Dumani.

Prokurori i Posaçëm, Altin Dumani më 19 dhjetor 2025 dorëzoi zyrtarisht detyrën e kreut të SPAK, te prokuroi Klodjan Braho. Detyrë të cilën Dumani e mbajti për tre vite, duke nisur nga 19 dhjetori i vitit 2022.

Tre vite gjatë të cilave Dumani solli një ndryshim mjaft të ndjeshëm dhe rezultate konkrete në luftën kundër krimit të organizuar dhe korrupsionit.

Në tre vite nën drejtimin e Altin Dumanit, SPAK çoi pas hekurave një sërë zyrtarësh të lartë, duke nisur nga ish-ministra, kryebashkiakë apo drejtorë.

Ish-kreu i SPAK-ut, Altin Dumani është një nga prokurorët e dosjes “Veliaj”, së bashku me prokurorin Ols Dado.

Dosje, hetimet e së cilës çuan pas hekurave kryetarin e Bashkisë së Tiranës, Erion Veliaj. Nga hetimet e kryera nga Altin Dumani dhe Ols Dado u zbuluan një sërë megaferash dhe vjedhjesh të bëra në krye të bashkisë me firmën e Erion Veliajt. Vjedhje, paratë e të cilave rezultoi se shkonin të gjitha në xhepat e familjarëve të kryebashkiakut i cili tashmë ndodhet i arrestuar që prej 10 shkurtit 2025.


Një tjetër dosje e rëndësishme e hetuar nga Altin Dumani është dosja “Plumbi i Artë”. Dosje nga e cila u lëshuan urdhërarreste për disa persona të njohur të botës së krimit, mes tyre Ervis Martinaj, Talo Çela apo Florenc Çapja.

Gjithashtu Altin Dumani ishte prokurori që udhëhoqi hetimet e operacionit të finalizuar më 16 dhjetor 2022, që çoi në arrestimin e gjyqtares Enekeleda Hoxha.

Performanca e tij në krahasim me paraardhësin është më shumë se spektakolare.

Bazuar në sondazhet online të realizuara nga CNA, SPAK ka qenë institucioni më i besuar nga qytetarët. Ai institucion që ka luftuar krimin e organizuar dhe korrupsionin dhe ka çuar pas hekurave zyrtarë të lartë të vendit.

Në tre vite që drejtoi Strukturën e Posaçme kundër Krimit të Organizuar dhe Korrupsionit, prokurori “i hekurt” Altin Dumani krijoi atë që quhet standardi “Dumani”. Një standard ku nga SPAK ka hapa dhe veprime konkrete.

Në 3 vite në krye të SPAK, Dumani bëri të kuptohej se nuk ka më surpriza dhe askush nuk ka pse të çuditet. Me standardin “Dumani” të krijuar në këto tre vite, nuk ka më të paprekshëm.

Prokurori i “hekurt” Altin Dumani do ta vijojë standardin e tij të hetimeve, tashmë si prokuror i Prokurorisë së Posaçme./CNA





Lajmet e fundit nga