web counter
LEXO PA REKLAMA!

SHKARKO APP

App Store
Google Play

SPAK dhe BKH me drejtues të rinj/ Ndryshimet në drejtësi për vitin 2025

1 Janar 2026, 09:00, Aktualitet CNA

SPAK dhe BKH me drejtues të rinj/ Ndryshimet në drejtësi për

Në vitin 2025, në institucionet e drejtësisë pati një sërë ndryshimesh dhe emërimesh, duke filluar nga kreu i SPAK-ut e deri tek anëtarët e Gjykatës Kushtetuese.

SPAK

Më 11 dhjetor 2026 u zgjodh drejtuesi i Strukturës së Posaçme kundër Korrupsionit dhe Krimit të Organizuar.

Këshilli i Lartë i Prokurorisë zgjodhi prokurorin e posaçëm Klodjan Braho në krye të SPAK-ut për një mandat trevjeçar. Braho e mori zyrtarisht detyrën më 19 dhjetor 2025, duke pasuar në këtë post Altin Dumanin.

Prokurori Braho kandidonte për kreun e SPAK-ut, përballë Adnan Xholit, Doloreza Musabelliut dhe Elvin Gokajt.

Braho mori votat e 7 anëtarëve të KLP-së, kundrejt kandidatëve të tjerë që morën respektivisht Adnan Xholi 3 vota, Elvin Gokaj 1 votë dhe Doloreza Musabelliu asnjë votë.

Prokurori Klodjan Braho është drejtuesi i tretë i SPAK-ut, që prej themelimit të institucioneve të reja të drejtësisë. Dy paraardhësit e Brahos janë Altin Dumani dhe Arben Kraja.

 

BKH

Një tjetër emërim i rëndësishëm në radhët e drejtësisë ishte kreu i Byrosë Kombëtare të Hetimit.

Më 9 dhjetor, Këshilli i Lartë i Prokurorisë miratoi emërimin e Joni Ketës në detyrën e drejtuesit të BKH-së. Ishte SPAK-u që propozoi emrin e hetuesit Joni Keta për të drejtuar BKH-në në një mandat 5-vjeçar. Propozim i cili u miratua me 11 vota unanime nga anëtarët e KLP-së.

Keta pasoi në këtë detyrë Aida Hajnajn, mandati i së cilës mbaroi në gusht të vitit 2025. Gjithashtu Joni Keta mbajti dhe postin e kryetarit në detyrë të BKH-së që prej gushtit deri në dhjetor 2025.

 

Gjykata e Lartë

Më 12 dhjetor 2025, Presidenti i Republikës emëroi si anëtar të Gjykatës së Lartë, gjyqtarin Genti Shala.

Detyrë të cilën gjyqtari Shala e mori zyrtarisht më 16 dhjetor 2025, duke pasuar në këtë detyrë Medi Bicin.

 

KED

Presidenti i Republikës më 3 dhjetor ka zgjedhur anëtarët e përhershëm dhe zëvendësues të Këshillit të Emërimeve në Drejtësi për vitin 2026.

Kryetar i Këshillit të Emërimeve në Drejtësi për vitin 2026, u zgjodh gjyqtari i Gjykatës së Lartë, Ilir Panda.

Anëtarët e përhershëm janë:

Fiona Papajorgji- anëtare e përhershme nga Gjykata Kushtetuese për përfaqësim në KED

Marjana Semini- anëtare e përhershme nga Gjykata Kushtetuese për përfaqësim në KED

Ilir Panda- përfaqësues i Gjykatës së Lartë, zgjidhet anëtar i KED njëkohësisht dhe kryetar

Alfred Progonati- anëtar i KED, si përfaqësues i Prokurorisë së Përgjithshme.

Ornela Naqellari- anëtare e përhershme, përfaqësuese e Gjykatave të Apelit në KED

Iliriana Olldashi- anëtare e përhershme, përfaqësuese e Gjykatave të Apelit në KED

Altin Binaj- anëtar i përhershëm, përfaqësues i Prokurorisë së Apelit të Juridiksionit të përgjithshëm në KED

Afërdita Ndoj- anëtare e përhershme, përfaqësuese e Prokurorisë së Apelit të Juridiksionit të përgjithshëm në KED

Klodiana Veizi- anëtare e përhershme e KED, përfaqësuese nga Gjykata Administrative

 

Anëtarët zëvendësues janë:

Bezart Kaçkini- anëtar zëvendësues i KED, përfaqësues nga Gjykata Administrative

Arben Qosja- anëtar zëvendësues, përfaqësues i Prokurorisë së Apelit të Juridiksionit të përgjithshëm në KED

Selvie Gjoçaj- anëtare zëvendësuese, përfaqësuese e Gjykatave të Apelit në KED

Anila Leka- anëtare zëvendësuese e KED, si përfaqësuese e Prokurorisë së Përgjithshme

Valbon Çekrezi- anëtar i Gjykatës së Lartë, zgjidhet anëtar zëvendësues i KED

Gent Ibrahimi- anëtar zëvendësues nga Gjykata Kushtetuese për përfaqësim në KED.

 

Gjykata Kushtetuese

 

Emërime gjatë vitit 2025, pati dhe në Gjykatën Kushtetuese.

Më 30 shtator 2025, Asim Vokshi u zgjodh anëtar i Gjykatës Kushtetuese, duke u pikëzuar nga KED me 89.5 pikë, më lart se gjithë kandidatët e tjerë. Vokshi u betua si anëtar i Gjykatës Kushtetuese më 25 nëntor të vitit 2025. Vokshi zëvendësoi në Gjykatën Kushtetuese, Holta Zaçajn si anëtare.

Holta Zaçajt gjithashtu i mbaroi mandati si kryetare e Gjykatës Kushtetuese.

Detyrë në të cilën e pasoi Fiona Papajorgji.

Më 18 dhjetor 2025, gjyqtarët e Gjykatës Kushtetuese zgjodhën me vota unanime, kryetare Fiona Papajorgjin.

Gjyqtarja Papajorgji ishte kandidatura e vetme për këtë pozicion. Mandati në krye të Gjykatës Kushtetuese është 3-vjeçar.

Kryetarja e re e Gjykatës Kushtetuese, Fiona Papajorgji është emëruar anëtare e këtij institucioni në vitin 2019./CNA

 





Lajmet e fundit nga