web counter
LEXO PA REKLAMA!

SHKARKO APP

App Store
Google Play

E fundit!

x

Zëvendësoi Medi Bicin/ Gjyqtari Genti Shala nis zyrtarisht detyrën në Gjykatën e Lartë

16 Dhjetor 2025, 13:02, Aktualitet CNA

Zëvendësoi Medi Bicin/ Gjyqtari Genti Shala nis zyrtarisht

Gjyqtari Genti Shala zyrtarisht sot është bërë pjesë e Gjykatës së Lartë.

Ditën e sotme është zhvilluar një ceremoni në Sallën e Kolegjeve të Bashkuara ku iu dorëzua zyrtarisht detyra gjyqtaritt Shala, i cili zëvendësoi në këtë institucion Medi Bicin.

Emërimi i gjyqtarit Genti Shala si pjesëtar i Gjykatës së Lartë u dekretua nga Presidenti i Republikës, Bajram Begaj, më 12 dhjetor të këtij viti.

Zëvendësoi Medi Bicin/ Gjyqtari Genti Shala nis zyrtarisht

Në ceremoninë e zhvilluar ditën e sotme u theksua rëndësia e forcimit të vazhdueshëm të trupës gjyqësore.

 

 

Deklarata e Gjykatës së Lartë

 

Gjykata e Lartë e Republikës së Shqipërisë ka mirëpritur sot anëtarin e ri të trupës gjyqësore, z. Genti Shala.

Në një ceremoni të posaçme, të zhvilluar në Sallën e Kolegjeve të Bashkuara, u urua fillimi i detyrës për gjyqtarin e ri, i cili u emërua anëtar i Gjykatës së Lartë duke zëvendësuar gjyqtarin Medi Bici.

Gjatë ceremonisë u theksua rëndësia e forcimit të vazhdueshëm të trupës gjyqësore me magjistratë që kanë dëshmuar profesionalizëm, integritet dhe përkushtim ndaj vlerave të drejtësisë.

Kryetari i Gjykatës së Lartë Sokol Sadushi, në fjalën e tij u shpreh se, gjyqtari Genti Shala i bashkohet trupës me një profil profesional të konsoliduar dhe përvojë të çmuar në sistemin e drejtësisë. Kontributi i tij pritet të forcojë më tej cilësinë e vendimmarrjes dhe misionin kushtetues të Gjykatës së Lartë për garantimin e një drejtësie të besueshme dhe efikase.

Kryetari Sadushi vlerësoi kontributin e gjyqtarit që përfundoi detyrën, duke theksuar se gjyqtari Medi Bici ka dhënë një kontribut të rëndësishëm dhe të çmuar ndër vite në veprimtarinë e Gjykatës së Lartë, duke ushtruar funksionin e tij me profesionalizëm, përgjegjshmëri dhe integritet.

Gjykata e Lartë i uron gjyqtarit Genti Shala suksese në ushtrimin e detyrës së tij dhe shpreh mirënjohjen për kontributin e dhënë nga gjyqtari Medi Bici.





Lajmet e fundit nga