web counter
LEXO PA REKLAMA!

SHKARKO APP

App Store
Google Play

E fundit!

x

Ministrja Pirdeni: Portali "Transparent Albania" me funksionalitete të reja, ja si do t’i ndihmojë qytetarët

16 Dhjetor 2025, 10:09, Aktualitet CNA

Ministrja Pirdeni: Portali "Transparent Albania" me funksionalitete

Ditën e sotme po zhvillohet Konferenca e VII Kombëtare për të Drejtën e Informimit. Të pranishëm në takim janë edhe kryeministri Edi Rama dhe ministrja e Shtetit për Administratën Publike dhe Antikorrupsionin, Adea Pirdeni.

Kjo e fundit foli për portalin “Transparent Albania”, i cili, sipas saj, vjen me funksione të reja. Ministrja u shpreh se përmes këtij portali, qytetarët do të mund të marrin çdo dokument dhe do të mund të kontaktojnë me koordinatorët për të drejtën e informimit në çdo institucion.

"Jemi sot me një premtim të mbajtur siç është portal i 'Transparent Albania', i cili vjen i vitalizuar me funksionalitete të reja, me fokus adresimin që informacioni ekziston, por shpeshherë është i fragmentartizuar dhe jo shumë i aksesueshëm. Do të jetë një faqe unike që lidhet drejtpërdrejt me marrjen e çdo dokumenti. Por do të ketë edhe një funksion të ri, ku çdio qytetar mund t’i drejtohet përmes kësaj faqeje koordinatorit për të drejtën e informimit në çdo institucion. Ky sistem i ngritur na ndihmon që të evidentojmë cilat janë ato ministri që përformojnë siç duhet në lidhje më transparencën, cilat janë ato që duhet të intensifikojnë punën për të dhënë informacionin e duhur", tha Pirdeni ndër të tjera. /CNA





Lajmet e fundit nga