web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi publik i Erion Veliajt dhe Mero Bazes/ 120 ditë nga gënjeshtrat

15 Dhjetor 2025, 13:23, Aktualitet CNA
Mashtrimi publik i Erion Veliajt dhe Mero Bazes/ 120 ditë nga
Erion Veliaj dhe Mero Baze

Sot bëhen plot 120 ditë nga gënjeshtrat dhe mashtrimi publik i Erion Veliajt dhe gazetarit të familjes së tij, ushtarit të tij mediatik Mero Baze në lidhje me pretendimet dhe akuzat ndaj prokurorit Ols Dado.

120 ditë kanë kaluar dhe as Erion Veliaj, i cili ndodhet në burg për 13 akuza për 5 vepra të rënda penale dhe as Mero Baze nuk po vërtetojnë me fakte apo dokumente pretendimet për prokurorin Ols Dado, i cili sipas tyre ka kërkuar shtesë mbi lejen e ndërtimit dhe meqë ka marrë refuzimin e pretenduar nga Veliaj ka nisur hetimet ndaj kryebashkiakut.

CNA prej 120 ditësh kërkon pa ndalim që Mero Baze dhe Erion Veliaj të publikojnë dokumentin me firmën e Ols Dados për shtesë mbi lejen e ndërtimit dhe refuzimin me firmën e kryebashkiakut për këtë leje.

(Por dokumenti nuk ekziston, njësoj si inceneratori i Tiranës)

Ashtu siç e kemi theksuar dhe më herët, këto pretendime dhe akuza nuk janë asgjë tjetër thjesht dhe vetëm një sulm ndaj drejtësisë.

Fakt është që Erion Veliaj është kapur me korrupsion, shpërdorim detyre, pastrim të produkteve penale, futjen e sendeve të ndaluara në qeli dhe me fshehje pasurie, 5 vepra shumë të rënda.

SPAK-u ka kopsitur dosjen e Erion Veliajt dhe e ka dërguar atë për gjykim, ku sërish Veliaj, edhe pse ndodhet përballë akuzave dhe fakteve, ka frikë të përballet dhe po vijon me taktikën e shtyrjeve të seancave gjyqësore.

Më poshtë po sjellim pretendimet e Erion Veliajt dhe Mero Bazes

Pretendimet e Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Mashtrimi publik i Erion Veliajt dhe Mero Bazes/ 120 ditë nga

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Mashtrimi publik i Erion Veliajt dhe Mero Bazes/ 120 ditë nga

Pse nuk e nxjerr Veliaj dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

Mashtrimi publik i Erion Veliajt dhe Mero Bazes/ 120 ditë nga

Pse nuk e vërteton Mero Baze te "Tema" e Veliajt? Pse nuk e publikon dokumentin me firmën e Ols Dados dhe refuzimin me firmë të Erion Veliajt?

Këto janë gënjeshtrat e thëna nga Veliaj dhe gazetari i familjes së tij Mero Baze në 120 ditë./ CNA





Lajmet e fundit nga