web counter
LEXO PA REKLAMA!

SHKARKO APP

App Store
Google Play

E fundit!

x

Pse avokatët nuk ia printojnë aktet Erion Veliajt?

15 Dhjetor 2025, 11:10, Aktualitet REDAKSIONALE

Pse avokatët nuk ia printojnë aktet Erion Veliajt?

Një nga gjërat më qesharake të procesit të kryebashkiakut të Tiranës, Erion Veliaj, është sjellja e avokatëve, shtyrja e seancave përtej publikimeve anonime në media, ku shpesh thuhet përfaqësuesit ligjorë të Erion Veliajt, por ka raste që ka pasur të tilla reagime siç CNA e ka zbërthyer, kanë qenë vetë avokatët që i kanë mohuar ato.

Por le të shohim një fakt tjetër.

Erion Veliaj dhe avokatët e tij thonë se ai është mbajtur padrejtësisht dhe pa akuzë në burg, ndërkohë që ka 5 muaj, pra nga data 24 korrik që çështja e kryebashkiakut ndodhet në gjykatë dhe vazhdon të shtyhet, kuptohet se çështja është Strasburgu, shkelja e të drejtave të njeriut, pse mbahet në kafaz, pse s’i printojnë aktet e të tjera kleçka që nxirren me qëllim të vetëm procesin në Strasburg.

Le të shohim një fakt shumë të rëndësishëm, atë që pretendon kryebashkiaku, aktet.

“Të më vendosen në dispozicion, të më printohen”.

Në fakt, ka një detaj shumë të rëndësishëm që Erion Veliaj e di dhe avokatët e dinë e shumë mirë.

Ata i kanë firmosur aktet me 24 korrik të vitit 2025, ka qenë ditë e enjte dhe i kanë marrë me procesverbal. Gjithashtu në seancat e zhvilluara, për aq sa janë zhvilluar, avokatët, edhe pse janë ndryshuar, kanë deklaruar se janë njohur me aktet.

Por i pandehuri Erion Veliaj pretendon se nuk është njohur ai me aktet, avokatët janë njohur me aktet, i kanë aktet. Atëherë debati që kërkon të bëjë Erion Veliaj është “m’i printoni ju se e keni për detyrë të m’i jepni mua.”

Në fakt, Erionit ia kanë dhënë dhe ligji e parashikon shumë qartë se si jepen aktet. Erionit ia kanë dhënë në versionin elektronik dhe u janë dhënë avokatëve të tij.

Ka 5 muaj, pse avokatët e Erion Veliajt nuk i printojnë aktet?

Në një nga seancat gjyqësore avokatët thanë edhe një shprehje tjetër, pse me karrocë do të shkojmë ne në burgun e Durrësit?

Nuk ka nevojë të shkojnë me karrocë, po i tregojmë një foto. Kjo është fotoja e një pakoje letre që ka 500 faqe dhe për të kursyer mund të printohen nga të dyja anët që do të thotë 1 mijë fletë në këtë pako.

Pse avokatët nuk ia printojnë aktet Erion Veliajt?

Ka disa kuti që mbajnë 10 pako të tilla. Mjafton të shkojë me një kuti si kjo që e gjeni në foto, e cila mban 5 mijë fletë apo 10 mijë faqe dhe për të shkuar për t’ia çuar aktet Erionit, avokatëve do t’u duhen 6 kuti të tilla.

Në 6 kuti si kjo mund t’i futen të gjitha aktet Erion Veliajt të printuara në të dyja faqet. Kjo është një llogari e thjeshtë.

Këtë nuk e bëjnë avokatët.

Nuk e bëjnë se nuk duan, nuk e bëjnë se janë të paaftë, nuk e bëjnë se nuk do Erioni t’i marrë aktet për të bërë cirk në gjykatë, cila është e vërteta?

Për t’i printuar mjafton të shkosh në një kancelari, në një shtypshkronjë, mund të printosh 5-10 mijë faqe në ditë pa asnjë problem. Një komandë print, i vendosim në një kuti me letër që mban 5 mijë apo 10 mijë fletë, printoje nga të dyja anët, për 4-5 ditë me ngadalësinë maksimale dhe printimi është i kryer e më pas mund t’i çohen nga një kuti Erionit, se ai nuk lexon dot 10 mijë faqe në një ditë.

Por mund të shfletojë me qindra, me mijëra përditë. Kështu që i gjithë ky proces, po të bësh një llogari të thjeshtë, do të kërkonte 3-4 ditë printime të vendosura në 6-10 kuti maksimumi po e quajmë të cilat nuk kërkojnë ndonjë angazhim më të madh se 10-12 ditë maksimumi.

Sot, në datën 15 dhjetor, jemi 143 ditë nga data që Erion Veliajt i është çuar akuza në gjykatë dhe avokatët kanë marrë aktet në dorëzim.

Në 143 ditë mjaftonte t’i kishin çuar për 13 ditë apo për 23 ditë dhe Erion Veliaj do të kishte 120 ditë kohë t’i lexonte t’i shfletonte, janë akte, firma, vendime, procesverbale që kryebashkiaku i di mjaft mirë.

Tani pyetja rishtrohet: pse nuk ia printojnë aktet avokatët? I kanë ata dhe prokurorët.

Pse nuk ia printojnë këta avokatët "e mjerë", se të jesh avokat dhe të mos i paguash as aktet klientit ku paguhesh me qindra mijëra euro, pa folur për studiot e huaja të lobimit, është çudi e madhe.

Kaq keq qenkan ekonomikisht avokatët e zotit Veliaj sa nuk kanë para t’ia printojnë aktet?

Çështja është a do Erion Veliaj të njihet me aktet? Në thelb problemi qëndron te fakti që avokatët janë njohur me aktet, ndoshta i kanë të printuara ato, por Erioni s’i pranon, kërkon t’ia japë prokuroria apo gjykata, megjithëse ia kanë dhënë, por ai s’pranon t’i marrë në këtë formë.

Pra, Erioni e do bananen, por e do jeshile, t’i piqet me kohën, jo të verdhë siç ia kanë dhënë me vendim gjykate.

Tani avokatët duhet të thonë pse nuk ia printojnë dhe nuk ia çojnë aktet Erionit sipas formatit që ju treguam më lart, me disa kuti, duke ia printuar shpejt e shpejt në studiot e tyre të mëdha ligjore që kanë dhe printera me kapacitete që 60 mijë faqe mund t’i printojnë edhe për 24 orë./ CNA





Lajmet e fundit nga