“Shfaqin shpesh boshllëqe etike e profesionale”/ Rama i përgjigjet reagimit të BKH-së

14 Dhjetor 2025, 16:59, Aktualitet CNA

“Shfaqin shpesh boshllëqe etike e profesionale”/ Rama i

Kryeministri Edi Rama i është përgjigjur reagimit të fundit nga Byroja Kombëtare e Hetimit lidhur me një episod të ndodhur në Kryeministri. BKH në një reagim pak më herët deklaroi se hetuesit kanë zbatuar punën e tyre sipas rregullave të përcaktuara.

Ndërkohë në postimin e tij në “X”, Rama shprehet se ai në deklaratat që ka bërë nuk i ka kritikuar agjentët e BKH-së, për armëmbajtje pa leje, po për atë që ai e cilëson “padijen etike dhe ligjore që i shtyu të donin të hynin në kryeministri me armë”.

Sipas kreut të qeverisë, ky është një nga episodet ku agjentët e Byrosë Kombëtare të Hetimit shfaqin mungesë shqetësuese etike dhe profesionale.

Reagimi i Ramës në “X”:

Qenka përgjigjur publikisht edhe BKH-ja ndaj njërit prej një sërë episodesh të mungesës së etikës profesionale të anëtarëve të asaj trupe, të cilin e ceka sot në podkastin FLASIM, duke folur për simptomat shqetësuese të sëmundjeve të vjetra në organizmat e drejtësisë së re!

Ata kanë cituar ligjin, sipas të cilit mund të mbajnë patllake, kur në fakt unë nuk i kritikova për armëmbajtje pa leje, po për padijen etike dhe ligjore që i shtyu të donin të hynin në kryeministri me patllake siç e thonë edhe vetë në deklaratë.

Sikur të ishte ky një rast i veçuar, padiskutim që nuk do ta kisha cekur në kuadër të qëndrimit të sotëm mbi simptomat e lartpërmendura, por fatkeqësisht ky ishte më i ëmbli i episodeve që munda të gjej, për trimoshat e BKH-së që shfaqin shpesh boshllëqe shqetësuese etike e profesionale - thënë kjo shumë ëmbëlsisht për këtë pjesë të problematikës së sëmundjeve të vjetra në organizmat e drejtësisë së re.

Gjithësesi, po e përsëris, ka ardhur koha e një reflektimi serioz, profesional dhe ndërinstitucional, për të ndarë beben e sapolindur të nga ujërat e pistë, në një proces historik ku duhet të garantojmë suksesin e Reformës në Drejtësi, duke garantuar medoemos pavarësinë e gjyqësorit, po ku po ashtu, nuk mundet kurrësesi të lejojmë që kura te bëhet problem më i madh se sëmundja, duke rrezikuar liritë e të drejtat dhe frymëmarrjen e administratës e të ekonomisë së vendit. /CNA

Qenka përgjigjur publikisht edhe BKH-ja ndaj njërit prej një sërë episodesh të mungesës së etikës profesionale të anëtarëve të asaj trupe, të cilin e ceka sot në podkastin FLASIM, duke folur për simptomat shqetësuese të sëmundjeve të vjetra në organizmat e drejtësisë së re!

Ata…
— Edi Rama (@ediramaal) December 14, 2025