web counter
LEXO PA REKLAMA!

SHKARKO APP

App Store
Google Play

Famullia e Shkodrës ndez dritat festive/ Dom Vlash Palaj: Jo vetëm argëtim, kjo periudhë të shërbejë si reflektim

14 Dhjetor 2025, 14:50, Aktualitet CNA

Famullia e Shkodrës ndez dritat festive/ Dom Vlash Palaj: Jo vetëm

Famullia e Shkodrës ka ndezur dritat festive, duke sjellë atmosferën e Krishtlindjes dhe një ndjenjë gëzimi në qytet. Famullitari i Shkodrës Dom Vlash Palaj bekoi edhe Betlehemin që u krijua nga besimtarët

"Fillojmë të përjetojmë edhe më teper kohën e ardhjes së Krishtit, përkujtimit të lindjes e mishërimit të tij, prandaj nisim përgatitjen për mendjen e zemren sepse Ai vjen si dritë. Kemi mundësi që edhe përmes këtyre simbolikave siç është Betlehemi,  të cilin u këshilloj që të bëni sakrificën e ta bëni në shtëpinë tuaj sepse kjo është simbolika më e bukur e Krishtlindjes, por edhe të njerëzimi sepse me lindjen e Krishtit lindi edhe periudha e historisë”,-u shpreh Palaj.

Famullitari i Shkodrës theksoi se dritat e Krishtlindjes përfaqësojnë mbi të gjitha dritën e besimit, shpresës dhe dashurisë, duke nënvizuar se kjo periudhë nuk duhet parë thjesht si kohë argëtimi apo zbukurimi, por si një moment për t’u ndalur dhe për t’u afruar më shumë me vlerat shpirtërore.

"Ndezja e dritave personifikon para së gjithash ndezjen shpirtërore. Prandaj kujdes, sepse edhe dritat që ndizën në rrugë e pedonale nuk janë për të pirë çaj e ngrënë qebab, janë moment reflektimi për këtë ngjarje kaq të madhe",-tha Palaj. 

Ndezja e dritave festive në Famullinë e Shkodrës shënon kështu fillimin e një periudhe pritjeje, ku përtej ndriçimit simbolik, theksi vendoset tek përgatitja për festën e Krishtlindjes./CNA





Lajmet e fundit nga