web counter
LEXO PA REKLAMA!

SHKARKO APP

App Store
Google Play

E fundit!

x

“Nuk e lanë patllaken te dera”/ Rama: Ca trimosha të BKH-së erdhën në Kryeministri

14 Dhjetor 2025, 10:22, Aktualitet CNA

“Nuk e lanë patllaken te dera”/ Rama: Ca trimosha të

Kryeminsitri Edi Rama ndau sot një episod të ndodhur në ambientet e Kryeminsitrisë, ku sipas tij, kishin shkuar disa agjentë të BKH-së, por nuk kishin dorëzuar armën te dera, sipas rregullores së Gardës së Republikës. 

Në episodin e podcastit ‘Flasim’, Rama u shpreh se ka bindjen që ka ardhur koha e një reflektimi serioz, profesional dhe ndërinstitucional për të bërë drejtësi të pavarur.

“Unë nuk do ta ndjek kurresesi logjikën e mbrapshtë të dënimit me indicie, as në këtë rast, po do të mbetem tek bindja se këto dy indicie tejet shqetësuese nuk provojnë se protagonistëve të pavarësisë së drejtësisë u ka marrë koka erë dhe u është mbushur mendja se ata janë shteti, ligji e drejtësia, si puna e ca trimoshave të BKH-së, për të cilët kam dëgjuar shumë çudira, po kishin ardhur një ditë në godinën e Këshillit të Ministrave, e nuk donin ta linin patllaken tek dera sipas rregullores së sigurisë së lartë, të Gardës së Republikës. Pra, nuk dua kurresesi të them se ferrat e mendësive e sëmundjeve të vjetra, e kanë marrë uratën e drejtësisë së re, por dua të ndaj me të gjithë bindjen se ka ardhur koha e një reflektimi serioz, profesional dhe ndërinstitucional, për të ndarë beben e sapolindur nga ujërat e pistë, në një proces historik, ku duhet të garantojmë medoemos suksesin e Reformës në Drejtësi, duhet të garantojmë  pavarësinë e gjyqësorit, po ku po ashtu, nuk mundet kurrësesi të lejojmë medoemos që kura të bëhet problem më i madh se sëmundja, duke rrezikuar liritë, të drejtat dhe frymëmarrjen e administratës e të ekonomisë së vendit”,-tha Rama./CNA





Lajmet e fundit nga