E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Përkujtohet rrëzimi i bustit të Enver Hoxhës/ Bardeli: Jetojmë në të njëjtin regjim diktatorial

13 Dhjetor 2025, 12:42, Aktualitet CNA

Përkujtohet rrëzimi i bustit të Enver Hoxhës/ Bardeli:

35 vite më parë Shkodra u bë qyteti i parë që rrëzoi bustin e diktatorit Enver Hoxha. Sot pas 35 vitesh, shoqata "13 Dhjetori" përkujtoi këtë ngjarje historike duke vendosur kurora me lule pranë bustit në qendër të qytetit.

"Si çdo vit ne përkujtojmë lëvizjen e madhe që bënë qytetarët e Shkodrës duke u ngritur kundër regjimit të kohës. Shumë prej tyre nuk jetojnë më. Rinia atë ditë, 35 vite më parë, shkuan para bustit dhe me vendosmëri arritën ta shkulnin nga Shkodra. Edhe pse sot ka tentativa, shpresojmë që simbolet e asaj kohe të mos rikthehen më. Ne sërish jemi në diktaturë, çdo gjë e kapur nga partia shtet si në atë kohë", tha Ervin Gjini, kryetar i Shoqatës “13 Dhjetori 1990”.

Deputetja e PD-së, Greta Bardeli, tha se populli shqiptar duhet të marrë shembullin e organizatorëve të 13 dhjetorit për të mposhtur, sipas saj, keqqeverisjen aktuale.

"Në emer të PD-së sot jemi këtu për të bërë respektin e merituar në këtë 35-vjetor. Është një dëshmi e forcës shkodrane, ata erdhën në shesh dhe dëshmuan se janë antikomunistë. Sot jemi në të njëjtën gjendje sepse faktet flasin vetë dhe organet kompetente po ashtu. Ata sërish mbrojnë njëri-tjetrin. Ndaj ne bëjmë thirrje që të bëhemi bashkë ta dëbojmë këtë qeveri", shprehet Greta Bardeli, deputete e PD-së.

Përkujtohet rrëzimi i bustit të Enver Hoxhës/ Bardeli:

Kreu i shoqatës, Gjini, i pyetur për zhvendosjen e bustit pak metra më tutje, nuk është vendi ku ndodhej më përpara, tha se nuk lidhet me skenën e festës së Bashkisë Shkodër.

Përkujtohet rrëzimi i bustit të Enver Hoxhës/ Bardeli:

"Nuk ka pasur debat, por një keqkuptim. Disa prej deputeteve dhe kryetarja mungojnë sepse kanë pasur agjendë tjetër. Ne kemi kërkuar që busti të lëvizet prej vitesh", tha Ervin Gjini, kryetar i shoqatës "13 Dhjetori 1990".

Një grup të rinjsh shkodranë më 13 dhjetor 1990 dolën në qendër të qytetit dhe mposhtën frikën e regjimit komunist duke rrëzuar bustin e Enver Hoxhës e duke u bërë qyteti i parë në vend që rrëzoi bustin e diktatorit dhe duke u hapur rrugë lëvizjeve të tjera demokratike në vend./ CNA