E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

“Endrit Shabani të pezullohet nga ushtrimi i detyrës si Avokat i Popullit”/ Avokati ankimim në Gjykatë Kushtetuese

12 Dhjetor 2025, 20:31, Aktualitet CNA

“Endrit Shabani të pezullohet nga ushtrimi i detyrës si Avokat i

Avokati Erald Aga ka dërguar në Gjykatë Kushtetuese kërkesën për pezullimin e ushtrimit të detyrës si Avokat i Popullit, ndaj Endrit Shabanit.

Kjo kërkesë vjen në vijim të ankimimit që ai ka dorëzuar para një muaji në Gjykatën Kushtetuese për procedurën për zgjedhjen e Avokatit të Popullit.

Postimi i plotë:

Sapo dërgova në Gjykatën Kushtetuese kërkesën për shtim të objektit të kërkimeve nisur nga paçavurja e mesnatës së djeshme duke kërkuar:

“Pezullimin e ushtrimit të funksioneve dhe detyrës së Avokatit të Popullit Endri Shabanit dhe shfuqizimin e projekt vendimit për zgjedhjen e kandidatit për Avokatin e Popullit Endri Shabani”.

* Gjithashtu, kam kërkuar që në seancë gjyqësore të thirren 35 deputetët në cilësinë e dëshmitarëve që pretendojnë që vullneti i tyre është tjetërsuar.

—

Kjo kërkesë është në vijim të ankesës që kam depozituar në Gjykatën Kushtetuese që në datën 11.11.2025 të cilës i kam kërkuar shfuqizimin e procedurës së nisur në 13 tetor 2025 për zgjedhjen e Avokatit të Popullit duke kërkuar përfundimin e procedurës së mëparshme të nisur në 31 janar 2023 që mbeti në fazë votimi në parlament dhe pezullimin e kësaj procedure deri në vendimarrjen përfundimtare të Gjykatës Kushtetuese për këte kërkese.

—

Garën për pozicionin e Avokatit të Popullit që ma mohuan partitë politike pa të drejtë kur isha në fazë votimi në seancë plenare në Parlament, siç ju kam thënë do t’i shkoj deri në fund sepse respektoj institucionet kushtetuese të këtij vendi dhe shtetin e së drejtës.