web counter
LEXO PA REKLAMA!

SHKARKO APP

App Store
Google Play

E fundit!

x

“Njeri pa shtyllë kurrizore”/ Komentuesit bëjnë “copë” Endrit Shabanin pas zgjedhjes si Avokat i Popullit

13 Dhjetor 2025, 12:05, Aktualitet CNA

“Njeri pa shtyllë kurrizore”/ Komentuesit bëjnë

Zgjedhja e Endrit Shabanit në postin e Avokatit të Popullit ka ngjallur reagime të shumta në rrjetet sociale, ku një pjesë e qytetarëve kanë shprehur kritika dhe pakënaqësi lidhur me përshtatshmërinë e tij për këtë funksion të rëndësishëm institucional.

Në komentet e publikuara në statusin e Shabanit pas marrjes së detyrës, qytetarë të ndryshëm kanë vënë në pikëpyetje përvojën, pavarësinë dhe profilin e tij profesional, duke argumentuar se posti i Avokatit të Popullit kërkon një figurë me integritet të lartë, eksperiencë të gjatë në mbrojtjen e të drejtave të njeriut dhe qëndrime të paanshme politike.

Disa prej komentuesve e kanë quajtur Shabanin një njeri pa shtyllë kurrizore që la misionin e tij për një kockë nga padishahu duke iu referuar Ramës.

Sipas komentuesit, kjo është një njollë turpi që do ta ndjekë përherë.

“Në aspektin njerëzor ju nuk meritoni as një post pasi jeni njeri pa shtyllë kurrizore. Është e pashpjegueshme se si një i ri që ka tentuar të çajë sistemin në një pikë lë misonin e tij për një kockë që i hedh padishau. Ti qofsh mor djalë, por kjo njollë turpi do të të ndjekë përherë. Kurrë populli nuk do të mendojë njëjtë për ty. Për ta do të jesh një palaço më shumë”, thotë një komentues.

Një tjetër komentues i thotë se duhet të falënderojë Aleks Sorosin për zgjedhjen e tij.

“Endrit Shabani, ti vetëm një person duhet të falënderosh o Shaban: Aleksin e Xhorxh Sorosit! Të tjerëve kartonaxhijve të urdhëruar (biçim deputetë) nuk u ke asnjë detyrim për t’i falënderuar, as ata majtas e as djathtas. Ti je fiks mishërim i avokatit delfin të Sorosit, që të ka urdhëruar të vetëquhesh biçim 'opozitar'. Kur shfaqesh dhe ti si 'opozitar', duhet me thënë me gjithë shpirt: - Rroftë e qoftë opozitari Erion Braçe!”, shkruan një tjetër komentues.  

“Njeri pa shtyllë kurrizore”/ Komentuesit bëjnë

“Ti jo avokat populli po dhe çdo lloj pozicioni të marrësh do ngelesh njeriu më negativ që jeton në Shqipëri, jo çdo pozicion pune është më i rëndësishëm se karakteri i njeriut. Ju shisni dhe shpirtin për pushtet”, shprehet një tjetër komentues.

Komentet në statusin e Shabanit janë të shumta, me mijëra, ku shumica prej tyre janë kritika për të dhe qëndrimin e tij politik.

“Njeri pa shtyllë kurrizore”/ Komentuesit bëjnë

Ndoshta është hera e parë që Shabani merr kaq shumë komente në rrjetet sociale, por më së shumti kritika dhe kundërshti për detyrën e marrë.

“Njeri pa shtyllë kurrizore”/ Komentuesit bëjnë

Kujtojmë se përzgjedhja e tij si Avokat i Popullit u bë në Kuvend dy ditë më parë ku u votua me 85 vota nga mazhoranca dhe të gjitha votat kundër nga opozita./ CNA





Lajmet e fundit nga