web counter
LEXO PA REKLAMA!

SHKARKO APP

App Store
Google Play

E fundit!

x

“Nuk është naiv, e di që Berishën nuk e mund dot”/ Gazetari: Ja çfarë synon Salianji

14 Dhjetor 2025, 20:06, Aktualitet CNA

“Nuk është naiv, e di që Berishën nuk e mund

Gazetari Çim Peka është shprehur mbrëmjen e sotme se Ervin Salianji me lëvizjet e tij, e di mirë se nuk e mund dot kreun e PD-së, Sali Berishën.

I ftuar në Syri Tv, Peka tha se Salianji po synon të jetë sa më afër Berishës. Më tej ai shtoi se Berisha duhet të hapë partinë dhe të zhvillojë takime me universitetet.

“Kush mendon se krimi i ofrohet opozitës dhe jo qeverisë ose është naiv ose bën lojën e krimit. Salianji nuk është naiv, e di se nuk e mund Berishën. Salianji nuk e ka me Berishën. Berisha ju duhet, ai nuk është as i ri as i konsumuar, as i dobishëm as i padobishëm, as i fajshëm, as i pafajshëm, është frymë. LDK mbahet ende me varrin e Rugovës. PD nuk do të mbahet dot as me varrin e Berishës, nuk mbahet me pazarxhinjtë e vegjël. Problemi nuk është as Noka as Salianji, por Sali Berisha. Me njerëz apolitikë nuk mundet. Flamuri kaq ka, duhet të hapë krahun.

A është zgjidhja Salianji? Salianji bëri burg por nuk është Pjetër Arbnori, dissident. Ai bëri burg me 5D, Pëllumb Gjokën, Oltion Bistrin. Nuk e kam dëgjuar të thotë asnjë fjalë për Oltion Bisrin, Pëllumb Gjokën, hajdutët. Me Gridën në krah flet kundër krimit? Këta nuk e kanë me Berishën, sepse pa të shkrihen. Lufta është kush do të jetë ngjitur me të. Amerikanët po luftojnë për dyshin sepse e dinë që pa Berishën s’ka opozitë. Salianji po synon të jetë sa më afër Berishës. Berisha duhet të shkojë tek universitetet.”, tha gazetari.

Peka tha më tej se të bësh opozitë në këto kushte është një mision i vështirë pasi sipas tij kreu i qeverisë, Edi Rama ka "banalizuar" politikën.

“Përgjigja e Berishës në vitin 2017 kur i thoshim kthehu se shiko se çfarë po bën Luli ishte se e kishte të pamundur të bënte ekip. Opozita në këto kushte është mision i vështirë. Politika është e vështirë duhet të ndërmarrësh rrisqe e të jesh serioz, sepse Rama ka banalizuar politikën dhe ka kriminalizuar shtabet elektorale.

Nuk mund t’ju themi të gjithë kalamajve shyqyr që ju kemi. Ka plot që bëjnë sulm ndaj opozitës, ose ka dhe nga ata që kanë bërë beteja politike që kur nuk iu plotësua diçka dalin kundër. Beteja duhet të jetë parimore. Albana dhe Flamuri do të bindin të rinjtë se me mirë të arsimohesh sesa të pish drogë? Duhet stof politik përballë Zegjinesë dhe Sara Milës. Që të mbledhësh shqiptarët e të largosh Ramën pa votë duhet një ambalazh shumë I fortë, duhet të jesh i pranueshëm”, tha gazetari. /CNA





Lajmet e fundit nga