Redaksionale/ Cilët janë avokatët anonimë të Erion Veliajt?

14 Dhjetor 2025, 18:38, Opinione CNA

Redaksionale/ Cilët janë avokatët anonimë të Erion

Në media, sa herë ka një seancë gjyqësore në GJKKO, sa herë ka veprime nga SPAK apo seancë në Gjykatën Kushtetuese, dalin qëndrime avokatësh pa emër të Erion Veliajt.

Avokatët e Veliajt (të mbetur prapë pa emër), gjejnë rekomandime për GJKKO që i shesin si për Kushtetuesen
30 Tetor, 15:03

Nga të gjitha ato që kanë dalë në media, vetëm një herë ose dy, nga dhjetëra prej tyre, ka pasur emër konkret, që kanë qenë disa studio lobimi anglo-amerikane. Të gjitha qëndrimet e tjera janë pa emër avokati, thuhet: 'përfaqësuesit ligjorë' apo 'nga avokatët e Veliajt'.

Studiot lobiste të Erion Veliajt: Po përndiqet politikisht
28 Tetor, 13:11

Lind pyetja: Cilët janë avokatët e Erion Veliajt?

Sepse në fillim ishte Ermir Beta dhe Artur Selmani. Më pas ata ranë. Rrugës doli Artan Gjermeni dhe një tjetër. Ranë dhe ata. Pyetja shtrohet thjesht: kush janë personat që i bëjnë shkrimet publike për Veliajn dhe pse ata nuk dalin me emër?

Të gjithë "avokatë të Veliajt", por për në Gjykatën Kushtetuese po na mbeten në derë
31 Tetor, 08:27

Apo këto shkruhen vetë nga Erion Veliaj? Sepse qytetarët duhet të kuptojnë pa diskutim diferencën. Në rast se janë të shkruara nga juristë, një njeri i fushës mund të thotë 'çfarë janë këta budallenj, si e pranojnë'. Në rast se shkruan nga vetë Veliaj, patjetër është qëndrim individual i një të pandehuri dhe nuk ka asgjë të keqe.

Kur Erion Veliaj bën viktimën me avokatët e tij
1 Gusht, 13:34

Por lojërat me qëndrime publike pa emra janë banale dhe për më tepër tregojnë papërgjegjshmëri. Sepse individi që i shkruan i vendos autorësinë. Nuk kemi të bëjmë me shkrime apo raportime në portale, por kemi të bëjmë me qëndrime zyrtare juridike nga përfaqësuesit e një të pandehuri, ose nga vetë ky i fundit.

Sepse shkruhen një mijë e një budallallëqe në emër gjoja të lirisë, të detyrës e tjera, kur në fakt Erion Veliaj ndodhet në burg, sepse ka prishur provat, ka 9 akuza për korrupsion, pastrimi i produkteve të veprës penale ose veprimtarisë kriminale, futja ose mbajtja e sendeve të ndaluara në burg, refuzim për deklarimin/ mosdeklarimin, fshehja ose deklarim të rremë të pasurive.

SPAK kopsit dosjen/ 13 akuza për Erion Veliajn
10 Shtator, 15:36

Shpërdorimi i detyrës nga Erion Veliaj është akuza më e kotë që i ka ngritur SPAK-u dhe në fakt e ka pasojë të një padije të bërë nga të afërm dhe nga studio ligjore që atë e mbron. Pra nga studio ligjore e bashkëshortes së Arben Rakipit.

Shkeljet e Arben Rakipit/ Studio ligjore e tij, përfaqëson Veliajn përballë SPAK-ut
8 Janar, 22:45

Skandali/ Studioja ligjore e Arben Rakipit paguhej nga OJF-të e Veliajt dhe Ajola Xoxës
9 Janar, 10:40

Të paktën të dalë dikush të thotë: “Këtë mbrojtje publike të Erion Veliajt e bëj unë'. Avokatët e Veliajt të cilët shpesh janë pa emër. Apo dhe në raste siç ka ndodhur më parë, kur CNA ka kontaktuar avokatët e Veliajt dhe kanë thënë 'jo nuk e kemi bërë ne këtë qëndrim'.

Ekskluzive/ Veliaj vë në lojë avokatët, deklarata u shpërnda nga punonjësit e bashkisë
27 Dhjetor, 19:56

Kush janë avokatët e zotit Veliaj? Sepse të gjitha qëndrimet e njëpasnjëshme janë të ndryshme nga njëra-tjetra. Apo brenda kanë budallallëqe dhe gënjeshtra. Avokatët mund të gënjejnë se do mbrojnë klientin e tyre, po jo deri në çmendurinë që ta kuptojë dhe një analfabet se po gënjejnë publikisht.

Avokatët gënjejnë sërish/ Veliaj nuk priti 9 muaj për të folur
8 Nëntor, 15:58

Siç thoshin se mbahet në qeli pa akuzë. Ndërkohë që akuza i ka shkuar që në korrik, jemi në dhjetor, ka 5 muaj me akuzë dhe nuk shkon në seancë. Thjesht dhe vetëm shtyn seancat gjyqësore.

CNA e paralajmëroi/ Erion Veliaj vijon shtyrjen e gjyqeve dhe mospërballjen me drejtësinë
5 Dhjetor, 11:55

Apo të tjera gënjeshtra për të cilat pak rëndësi ka tani. Me justifikimet që po nxjerrin: jo ka faza, jo po duhet t'i ushtrojë detyrën, jo po kjo, jo po ajo.

Pallavra, pallavra dhe vetëm pallavra, të cilat në fakt nuk kanë autor, nuk kanë emër në shumicën e rasteve. Të paktën të kenë kurajon të vënë një emër. Se në rast se nuk po gjejnë dot një avokat i cili të marrë përgjegjësinë e deklaratave publike për mbrojtjen e Erion Veliajt, ky i fundit qenka në ditë të hallit.

Pse po bëhen qesharakë avokatët e Veliajt
28 Gusht, 20:58

Pasi askush nuk po i del për zot ta mbrojë me gjithë malin e akuzave që ka përsipër. Dhe do të ishte mirë që të kërkonte një gjykim të shkurtuar, të shkonte në gjykatë, të pranonte fajin e vet dhe të shpëtonte të tjerët.

Të gjithë "avokatë të Veliajt", por për në Gjykatën Kushtetuese po na mbeten në derë
31 Tetor, 08:27

Që nga bashkëshortja e tij, që kërkon ta shpëtojë me shtatzëninë, deri tek biznesmenët. Të paktën t'i lejonte ata të shkonin me gjykim të shkurtuar.

EKSKLUZIVE- Ajola Xoxa shtatzënë
9 Dhjetor, 13:23
I mbyturi të mbyt/ Veliaj mban peng biznesmenët në gjykim
4 Dhjetor, 17:50

Dhe t'i shkonte me trimëri akuzave deri në fund. E në rast se fitonte, ai do të ishte lider i ardhshëm në politikën shqiptare. Por me sa duket, nuk bëhet dot lider! Por kërkon të ngelet në gjirizin e tij, ai që është, siç vetëquhet ‘zdroms’ dhe asgjë më shumë se sa kaq. /CNA