web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë "avokatë të Veliajt", por për në Gjykatën Kushtetuese po na mbeten në derë

31 Tetor 2025, 08:19, Aktualitet CNA

Të gjithë "avokatë të Veliajt", por për

Nuk është e lehtë të bësh një listë të saktë e të plotë të atyre që kanë qenë avokatë të Erion Veliajt! Shumë emra avokatësh janë shfaqur përkohësisht si "avokatë të Veliajt", por të gjithë janë zëvendësuar dhe ndryshuar rrugës.

Në nisje të rrugëtimit të vet, Erion Veliaj zgjodhi të përfaqësohej nga Henrik Ligori, i cili një copë rrugë preferoi të mbështetej nga Ardian Visha.

Të gjithë "avokatë të Veliajt", por për
Henrik Ligori

Në një fazë sekuestrimesh dhe ankesash për përjashtimin e prokurorëve nga çështja, në skenë dolën Maks Haxhia dhe Ermir Beta.

Të gjithë "avokatë të Veliajt", por për
Maks Haxhia

Pastaj vijoi një periudhë e gjatë ku "avokatët" ishin anonimë. Një dorë përcillte e ndante në media materiale me tituj si "reagimi i avokatëve të Veliajt", "sqarimi i avokatëve të Veliajt", "mbrojtja e avokatëve të Veliajt" etj. Diku titujt ndaheshin më bukur "avokatët e Veliajt dhe familjes", si për ta bërë më gjithëpërfshirëse mbrojtjen.

Ndodhte shpesh që të tilla materiale "avokatësh të Veliajt" ose "avokatë të Veliajt dhe familjes", në fillim publikoheshin në profilin e faqes "Facebook" të vetë Erion Veliajt. Edhe në këto raste lajmi në krye kishte shprehje të tipit "Avokatët e Veliajt në një reagim për....", etj., etj.

Pastaj në skenë u hodhën ca emra propagandistikë anglezësh dhe amerikanësh që edhe këta shpalleshin si "avokatët e huaj të Veliajt".

E rëndësishme ishte që të shpalleshin gjithmonë në numrin shumës. Domethënë ishin shumë avokatë! Gjithmonë!

Ndërkohë që emrat e avokatëve zyrtarë fironin gjithnjë e më shumë dhe asnjëri nuk dilte ta mbronte në publik, në ekrane mund të identifikoje një shpurë avokatucësh, që dilnin nga paneli në panel dhe si ekspertë të pavarur, mbronin pavarësinë e pushtetit lokal të mishëruar tek Erion Veliaj.

Të gjithë këta tipa i dekonspiroi me një të rënë të lapsit, penalisti i madh Jordan Daci, i cili për gati 12 orë përjetoi lavdinë e avokatit zyrtar të Erion Veliajt në tentativën e dështuar për t'u paraqitur si mbrojtës edhe në Gjykatën Kushtetuese. Për të përfituar kësisoj edhe zyrtarisht titullin konstitucionalist.

Por edhe ai u fsheh dhe zyrtarisht u tha që u largua se u kujtua për ca klientë e ca gjyqe të tjera që kishte dhe që mund t'i krijonin probleme konfliktesh interesi me gjyqin e Veliajt. Këtë sqarim e bëri si konstitucionalist!

Sigurisht në gjithë këtë listë nuk do të harronim dot Fatmir Xhafajn, avokatin më të madh që për pak e bëri Erion Veliajn kryetar të PS-së. Edhe ky shkruante dhe shpërndante nga ato anonimet me nënshkrimin "avokatët e Veliajt".

Të gjithë "avokatë të Veliajt", por për
Erion Veliaj dhe Fatmir Xhafaj

Por lista mund të bëhet më e gjatë nëse rreshtohen si "avokatë të Veliajt" edhe gjithë avokatët e studiove që zotërojnë emrat Ligori, Visha, Haxhia, Xhafaj e ndonjë tjetër që të na falë, por për shkak të inflacionit të emrave nuk kemi arritur ta regjistrojmë në kohë.

Dje doli një emër, i cili u prezantua në ekrane ai avokat i Veliajt. Quhet Alban Dokushi dhe është ish-Sekretari i Përgjithshëm i Bashkisë Tiranë.

As Ligori, as Visha, as Beta e as Xhafaj.

Daci jo e jo!

Tani jo vetëm Veliaj, por jemi të gjithë në dorë të Dokushit. Duroftë deri sot në orën 10:00 pa pastaj le të bëhet nami./ CNA

 





Lajmet e fundit nga