5 nga 8 anëtarë të Gjykatës Kushtetuese, që Erion Veliaj i mban peng

30 Tetor 2025, 14:50, Aktualitet CNA

Holta Zaçaj është ende kryetare e Gjykatës Kushtetuese.

Zëvendësimi i saj është bllokuar nga një procedurë betimi që nuk po zhvillohet, në pritje të vendimit të vetë anëtarëve të Gjykatës.

Anëtarët do të votojnë nëse duan Llagamin, asistenten e gruas së Veliajt, apo Vokshin që përflitet dhe po sulmohet si ish-asistent i Argita Berishës.

5 nga 8 anëtarë të Gjykatës Kushtetuese, që Erion

Naureda Llagami

Duket si garë mes asistentësh, por edhe kaq dëshmon se në çfarë niveli gërmohen kandidaturat për Gjykatën Kushtetuese.

Në këtë betejën e asistentëve të dikujt, anëtarët e Gjykatës Kushtetuese anojnë nga zonja Llagami, por palët kanë rënë dakord që debatin dhe "betejën" brenda Gjykatësit për çështjen "Vokshi-Llagami", ta spostojnë pasi të ketë përfunduar gjyqi për Erion Veliajn.

Kjo edhe për shkak se fokusi i Veliajt sot është uniteti për gjyqin e tij, ndaj mbështetja sot për ndonjërin, mund të kompromentojë zgjidhjen e hallit të tij.

Pas datës 31, do të shikoni se si portalet e afërta me Veliajn do të promovojnë Naureda Llagamin. Një juriste e promovuar rregullisht dhe kudo nga familja Veliaj dhe ish-asistente e Ajola Xoxës që dyshohet se nuk ka diplomë juridiku.

Nga 8 anëtarët që ka sot Gjykata Kushtetuese, 5 i ka lidhur me Veliajn halli personal.

Përveç relatores Bejtja, bindja juridike e së cilës lidhur me rastin është kryesisht me palën Veliaj, janë edhe 4 të tjerë që anojnë nga Veliaj, kush nga qejfi e kush ngaqë i ka zënë bishtin rrota e shantazhit.

Gent Ibrahimi ka hallin e videove.

5 nga 8 anëtarë të Gjykatës Kushtetuese, që Erion

Holta Zaçaj ka hallin të mbarojë ditët e të harrohen bisedat e regjistruara nga SPAK-u me avokatë.

5 nga 8 anëtarë të Gjykatës Kushtetuese, që Erion

Marsida Xhaferllari ka hallin që ka Enkelejdi.

5 nga 8 anëtarë të Gjykatës Kushtetuese, që Erion

Sandër Beci ka hallin e borxheve ndaj atyre që pasi e shantazhuan, e kapën për ta promovuar të bëhej anëtar i Gjykatës Kushtetuese.

5 nga 8 anëtarë të Gjykatës Kushtetuese, që Erion

5 nga 8 janë të kapur në një mënyrë ose një tjetër.

Ndërkohë Ramën po e mbajnë me vaksina, duke e gënjyer se presin që rezultati të dalë 4 me 4. Duke e bërë të shpresojë që ndeshja do të fitohet me barazim, për ta vënë më pas para faktit të kryer.

Por Rama mund të pyesë Diellën, me kusht që të mos ulet vetë të shkruajë përgjigjen./ CNA