web counter
LEXO PA REKLAMA!

SHKARKO APP

App Store
Google Play

E fundit!

x

Sulmet ndaj prokurorit Dado/ Kryetarja e KLP-së: Thirrje për vetëpërmbajtje, veprohet sipas ligjit

30 Tetor 2025, 13:38, Aktualitet CNA

Sulmet ndaj prokurorit Dado/ Kryetarja e KLP-së: Thirrje për

Kryetarja e Këshillit të Lartë të Prokurorisë, Mirela Bogdani, ka komentuar sot lidhur me sulmet e bëra ndaj prokurorit Ols Dado për çëshjen hetimore ndaj ish-kryebashkiakut të arrestuar të Tiranës, Erion Veliaj.

Në përgjigje të pyetjeve të opozitës në Kuvend, Bogdani deklaroi se KLP ka reaguar për këtë rast dhe ka bërë thirrje për vetëpërmbajtje dhe respektim të të drejtave për informim dhe lirinë e medias.

Bogdani shtoi se puna e një prokurori mbart një vështirësi nga përballjet e mëdha, por shmangia e sulmeve bëhet përmes profesionalizmit.

“Të gjitha vendimmarrjet dhe proceset mund të komentohen. Nuk ka asnjë problem. Deri në ç’masë ndihet një prokuror i kërcënuar, kjo është për t'u trajtuar dhe diskutuar. Lidhur me prokurorin Ols Dado, keni parë reagimet publike. Kur sulmet kanë qenë të justifikuara, KLP ka bërë thirrje për vetëpërmbajtje dhe për respektimin e të gjitha standardeve që lidhen me lirinë e medias dhe të drejtën e informimit. Më lejoni të theksoj një koment. Puna e prokurorit nuk është e lehtë. Ka përballje të mëdha.Të gjithë prokurorët e Shqipërisë, nga momenti që kanë nisur të ushtrojnë detyrën, janë profesionalë që të shmangen nga këto sulme dhe të veprojnë siç ligji e kërkon”,-tha Bodgani./CNA







Lajmet e fundit nga