E fundit!

14:19 Aktualitet

Qeveria plan për rivlerësimin e profesioneve të rregulluara, në fokus 323 kategori

Shqipëria do të nisë një proces të gjerë për rishikimin e ...

Jordan Daci që mbronte Veliajn nëpër televizione, paskësh qenë avokat i Veliajt

30 Tetor 2025, 09:58, Aktualitet CNA

Jordan Daci që mbronte Veliajn nëpër televizione, paskësh

I mbani mend turrën e juristëve-avokatë, që gjithë këto javë kanë dendur panelet e darkës në mbrojtje të Veliajt?

Mes tyre sidomos dallohej njëri!

Jordan Daci!

Ky personazh dilte pothuaj çdo mbrëmje si opinionist i thekur me profesion avokat dhe sipas stilit "bëj si ekspert se ky popull aq e ka", mbronte Lali Erin.

Hiqej si i pavarur, që nuk i interesonte çështja, por shteti dhe parimi, ndaj rrinte pa darkë çdo darkë e sulej paneleve në mbrojtje të Lalit.

Pothuaj çdo darkë nga televizioni në televizion, çuditërisht të gjithë gjenin dhe thërrisnin të paanshmin Jordan.

Njeriun që nuk kish interesa e nuk ishte palë në konflikt pra.

Jordani nuk fliste nga pozicioni i atij që mbronte dikë apo diçka, bile sulmonte gjithë të tjerët si njerëz që flisnin se kishin interes te çështja.

Ky Jordani 24 orë përpara seancës doli hapur!

Nuk është më i pavarur! Është avokat i Veliajt! Dhe do të mbrojë Veliajn në Gjykatë Kushtetuese!

Penalisti, që u trajnua si konstitucionalist duke e diskutuar Kushtetutën me të tjerë si ai nëpër panele televizive, nuk punonte për pagesën e vet si avokat kur dilte në televizion.

Fliste për pavarësinë e pushtetit lokal Jordani, nuk kish hallin e Lalit.

Lali Eri deri sot, çdo media, çdo njeri që e ka akuzuar për afera deri edhe prokurorë (sidomos ata), çdo person që i është dukur atij se po e sulmon, i ka akuzuar se e kanë personale me të, sepse nuk u paska dhënë leje ndërtimi.

Çfarë i shtyn ata që e mbrojnë këtë njeri atëherë?

Lejet e ndërtimit që paskan marrë?

Apo janë ca si ky Daci, që pasi e mbrojnë si të pavarur e të painteresuar, del se qenkan të paguar si avokatë të Veliajt.

Si ka mundësi që studioja shkencore që paguan Veliaj, refuzon të mbrojë Veliajn në Gjykatën Kushtetuese dhe sot paska gjetur për këtë rol një penalist të konvertuar konstitucionalist këta 3 muajt e fundit?

A ka qenë konvertimi, qëllim i vetë Dacit, që meqë u bë deti kos të lyhej pak dhe ai nga deti i fondeve të Lali Erit?

Apo ishte detyrë që i dhanë Dacit avokatët e shquar të studios shqiptare?

E dini se dalja e avokatëve në studio televizive është reklamë e fortë për ta?

Nuk dalin se janë të zot. Dalin që të bëjnë klientë.

Penalisti Daci do të mbrojë Lalin në Gjykatë Kushtetuese! Dhe për argument dërrmues paska gjetur një raport të Komisionit të Venecias. Mos u habisni që Daci ta ketë bindur Lalin që do ta nxjerrë nga burgu në sallën e Gjykatësve Kushtetues.

Me këtë premtim ka mbushur faturën penalisti Jordan, i pavaruri i studiove të mbrëmjes./ CNA