E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

E-maile për të kërcënuar qytetarët se janë nën hetim/ Policia: Të rreme, përdoren për mashtrim

29 Tetor 2025, 12:05, Aktualitet CNA

E-maile për të kërcënuar qytetarët se janë

Disa raste të shtetasve të paidentifikuar që kanë krijuar adresë elektronike të rremë (e-maile), me kredenciale të drejtorit të Përgjithshëm të Policisë së Shtetit, dhe nëpërmjet saj, janë prezantuar si struktura për Hetimin e Krimeve Kibernetike janë konstatuar së fundmi nga Policia e Shtetit.

Përmes një njoftimi, bëhet me dije se në këtë adresë, qytetarëve u janë dërguar mesazhe elektronike me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve, si dhe duke u kërkuar që të paraqiten brenda 24 orëve, në polici.

"Informojmë se e-mailet janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj.

Qytetarët duhet të kenë parasysh:

Policia e Shtetit nuk dërgon kurrë njoftime zyrtare për hetime nëpërmjet e-mailit.

Asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar",-thuhet në njoftim.

Policia thekson se qëllimi i këtyre mesazheve është mashtrimi dhe përhapja e frikës te qytetarët dhe u bën thirrje qytetarëve që të mos u përgjigjen dhe të mos shpërndajnë e-maile me përmbajtje të tillë.

Policia informon se rasti është në hetim nga Drejtoria e Hetimit të Krimeve Kibernetike, me qëllim identifikimin dhe ndëshkimin e autorëve të kësaj veprimtarie kriminale./CNA