web counter
LEXO PA REKLAMA!

SHKARKO APP

App Store
Google Play

Prezantohet drejtori i ri i DPSHTRR/ Balluku: Të vijojë kontributi në fushën e transportit përmes inovacionit

29 Tetor 2025, 11:12, Aktualitet CNA

Prezantohet drejtori i ri i DPSHTRR/ Balluku: Të vijojë kontributi

Këtë të mëkurë u prezantua drejtuesi i ri i Drejtorisë së Përgjithshme të Shërbimeve të Transportit Rrugor(DPSHTRR), Kreshnik Bajraktari.

E pranishme ishte edhe zëvendëskryeministrja, njëherësh ministrja e Infrastrukturës dhe Energjisë, Belinda Balluku.

Në fjalën e saj, Balluku theksoi rolin dhe rëndësinë e shërbimeve të kësaj drejtorie për qytetarët.

Balluku tha se drejtuesi i ri, që më parë ishte në krye të Portit të Durrësit, synon të vijojë kontributin në fushën e transportit, për të shtuar edhe më shumë inovacionin në këtë fushë.

“Gjithçka ka ndryshuar katërcipërisht, falë punës së palodhur dhe inovacionit. DPSHTRR solli inovacion, që është baza e çdo shërbimi publik. Kjo nuk u izolua vetëm në drejtorinë qendrore, por edhe në ato rajonale. DPSHTRR-në, duke nisur nga sot, do ta drejtojë Kreshnik Bajraktari. Ka vite që punon në transportin rrugor. Është inxhinier mekanik. Ka kontribuuar prej kohësh në fushën e transportit. Ka drejtuar për rreth një vit Portin e Durrësit. Bashkëpunëtor i mirë dhe i përgjegjshëm. Do të jetë një drejtues mbështetës”,-tha Balluku./CNA   





Lajmet e fundit nga