web counter
LEXO PA REKLAMA!

SHKARKO APP

App Store
Google Play

E fundit!

x

“Bashkëpunimi mes institucioneve të drejtësisë, katastrofik”, Gjoni: Drejtuesit kanë konflikt me njëri-tjetrin

29 Tetor 2025, 09:32, Aktualitet CNA

“Bashkëpunimi mes institucioneve të drejtësisë,

Deputeti i Partisë Demokratike, Gjin Gjoni, ka folur mëngjesin e sotëm për sistemin e drejtësisë në Shqipëri dhe funksionimin e saj. I ftuar në “Kafe Shqeto” me Flavio Qarrin, Gjoni tha se sot se frustrimi i njerëzve vjen nga tejzgjatja e dhënies së vendimeve.

Gjatë fjalës së tij, ai u shpreh se mënyra se si bashkëpunojnë sot institucionet e pavarura të drejtësise është katastrofike. Sipas deputetit, kjo ndodh vetëm sepse drejtuesit e institucioneve kanë konflikte me njëri-tjetrin.

"Unë them që një nga pengesat kryesorë dhe njerëzit janë të frustruar nga tejzgjatja e dhënies së vendimeve. Sipas ILD rezulton se ka dosje të parsyetuara edhe prej 4 vjetësh. Në këtë pikëpamje, frustrimi dhe perceptimi i njerëzve për drejtësinë po shtohet dita ditës. Nëse do krijohej vetëm SPAK dhe pjesa tjetër do rrinte siç ishte, çdo gjë do zgjidhej më shpejt

Sot krijimi i kaq mekanizmave, KLGJ, ILD, KLP e të tjerë dhe mënyra si funksionojnë me njëra-tjetrën është katastrofike. Po sjell ca shembuj.  Në mbledhjen e Gjykatës së Lartë, nuk ftohet KLGJ fare. Avokatët konsiderohen si mish i huaj në sistem, ndërsa janë po aq te rëndësishëm sa prokurorët. Drejtori i shkollës së Magjistraturës, nuk ftohet në betimin e magjistratëve të rinj. Sepse ka një konflikt mes Ben Rakipit, Sokol Sadushit, Ilir Rusit. Nuk funksionon asgjë. Secili prej tyre kërkon të jetë Zoti. Prokurori i Përgjithshëm me kompetenca kushtetuese katastrofike, është thjesht administrator i godinave, nxjerr vetëm urdhra e përcakton buxhetin e Prokurorisë, është thjesht menaxher. Humbet hierarkia.", tha deputeti. /CNA





Lajmet e fundit nga