web counter
LEXO PA REKLAMA!

SHKARKO APP

App Store
Google Play

E fundit!

x

Taktikat “copy paste” të studiove lobiste të Erion Veliajt

28 Tetor 2025, 15:02, Aktualitet CNA

Taktikat “copy paste” të studiove lobiste të Erion Veliajt

Sot, studiot ligjore që lobojnë për kryebashkiakun e shkarkuar të Tiranës, Erion Veliaj, i cili ndodhet në burg për 13 akuza për 5 vepra të rënda penale, kanë dalë me një raport prej 24 faqesh.

Në këtë raport të përpiluar nga studiot Kasowitz dhe Mishcon de Reya thuhet se Erion Veliajt po persekutohet politikisht.

Në raport thuhet:

“Ky raport përditëson raportin përfundimtar të Kasowitz LLP dhe Mishcon de Reya LLP lidhur me ndalimin e padrejtë nga SPAK të një kryetari bashkie të zgjedhur në mënyrë demokratike në kryeqytetin e Shqipërisë: Erion Veliaj, i cili u botua më 24 qershor 2025, dhe është bashkëngjitur këtu si Shtojca A ("Raporti Fillestar"). Supozohet njohja me faktet bazë, parimet dhe kuadrin ligjor të raportit fillestar”.

Në fakt, kjo lëvizje është një taktikë e përsëritur edhe më herët, për ta theksuar para çdo lloj seance të rëndësishme ndaj Veliajt.

Mediat pranë Veliajt kur ai kishte seancën në Gjykatën e Lartë nxorën të gjithë lajmin se studio ligjore amerikane dhe britanike do të mbronin Erion Veliajt.

Në të vërtetë, këto studio ligjore janë po të njëjtat ndaj të cilave kishte akuza se ishin paguar 300 mijë dollarë pikërisht për të lobuar dhe për t'u bërë palë me Veliajn në sulmin ndaj SPAK-ut dhe prokurorëve që kishin kryer hetimet.

Këto studio lobiste paguhen për të vënë në dyshim sistemin e drejtësisë të ngritur nga një reformë e paguar nga taksapaguesit e SHBA-së, BE-së dhe Britanisë së Madhe.

Gjithashtu përdoren si instrumente për sulme ndaj drejtësisë nga media pranë familjes Veliaj, të cilat i kemi parë dhe përgjime ku flasin për inskenime me 2 milionë euro.

Të gjitha këto janë veçse taktika "copy paste" të përdorura qoftë nga studiot ligjore, qoftë nga Veliaj apo mediat e dirigjuara nga kryebashkiaku i shkarkuar i Tiranës, siç ka dalë dhe në përgjime. / CNA





Lajmet e fundit nga