web counter
LEXO PA REKLAMA!

SHKARKO APP

App Store
Google Play

E fundit!

x

Lufta kundër korrupsionit dhe krimit/ Dumani: SPAK është vlerësuar në Progres Raportin e KE për vitin 2024

28 Tetor 2025, 14:08, Aktualitet CNA

Lufta kundër korrupsionit dhe krimit/ Dumani: SPAK është

Kreu i SPAK-ut, Altin Dumani, në takimin në Universitetin "Eqrem Çabej" në Gjirokastër ka ndarë detaje edhe për krijimin dhe funksionimin e Prokurorisë së Posaçme. Dumani tregoi se në fillim në SPAK ishin vetëm tetë prokurorë, ndërsa aktualisht janë 20 prokurorë të posaçëm.

Ndër të tjera, kreu i SPAK-ut foli edhe për Byronë Kombëtare të Hetimit, strukturë në të cilën tha se punojnë 60 hetues ngushtësisht me prokurorët e posaçëm.

Dumani bëri me dije se veprimtaria e SPAK-ut është vlerësuar në Progres Raportin e Komisionit Europian për vitin 2024, për rezultatet në luftën kundër korrupsionit të zyrtarëve të lartë, krimit të organizuar dhe mbrojtjen e interesave financiare të Bashkimit Europian.

“Në cilësinë e Drejtuesit të Strukturës së Posaçme, unë përfaqësoj një institucion, që të gjithë e njohin gjerësisht me akronimin e tij, SPAK, i përbërë nga Prokuroria e Posaçme dhe Byroja Kombëtare e Hetimit. Kjo strukturë ka në qendër luftën kundër korrupsionit dhe krimit të organizuar. Ne jemi përpjekur të ndërtojmë një model të bazuar në profesionalizëm, integritet dhe transparencë.

Në fillim në Prokurorinë e Posaçme ishim vetëm tetë prokurorë që vinin nga Prokuroria e Krimeve të Rënda. Vitin e kaluar, numri i prokurorëve u plotësua dhe sot jemi 20 prokurorë të posaçëm. Gjatë këtyre gjashtë viteve të para jemi përpjekur që veç punës sonë hetimore të ndihmojmë edhe ngritjen dhe konsolidimin e institucionit.

Byroja Kombëtare e Hetimit – Pjesë e SPAK-ut është një strukturë e posaçme, e specializuar e Policisë Gjyqësore që heton veprat penale në juridiksionin penal të Prokurorisë së Posaçme. Deri tani ka 60 hetues që punojnë në këtë strukturë dhe ngushtësisht me prokurorët e posaçëm.

Gjithashtu kemi edhe sektorin e hetuesve financiarë, me 12 hetues. Veprimtaria e SPAK-ut është vlerësuar në Progres Raportin e Komisionit Europian për vitin 2024, për rezultatet në luftën kundër korrupsionit të zyrtarëve të lartë, krimit të organizuar dhe mbrojtjen e interesave financiare të Bashkimit Europian”, u shpreh ndër të tjera Dumani. /CNA





Lajmet e fundit nga