web counter
LEXO PA REKLAMA!

SHKARKO APP

App Store
Google Play

Gara për hetuesit financiarë të SPAK-ut/ Publikohet lista me 10 kandidatët për 4 vendet e lira

28 Tetor 2025, 13:43, Aktualitet CNA

Gara për hetuesit financiarë të SPAK-ut/ Publikohet lista me 10

Prokuroria e Posaçme ka publikuar këtë të martë rezultatet nga faza e tretë e garës për hetuesit financiarë. 

Në këtë fazë morën pjesë 10 kandidatët e kualifikuar nga dy fazat e mëparshme, të cilët u vlerësuan nga Komisioni i Përzgjedhjes sipas pikëve përkatëse.

Bazuar në njoftimin e publikuar nga SPAK-u, Komisioni i Përzgjedhjes së Hetuesve Financiarë, i ngritur me Urdhrin e Drejtuesit të Prokurorisë së Posaçme nr. 36260, datë 10.10.2025, zhvilluan fazën e tretë, atë të intervistës së strukturuar me gojë, për 4 (katër) pozicione për Hetues Financiar, në Sektorin e Hetimit Financiar më datë 23.10.2025.

Më datë 24.10.2025, Komisioni i Përzgjedhjes bëri pikëzimin përfundimtar të tri fazave dhe hartoi listën me renditjen e kandidatëve duke filluar nga kandidati me rezultatin më të lartë, të pasqyruar në tabelën e mëposhtme:

Gara për hetuesit financiarë të SPAK-ut/ Publikohet lista me 10

Pas përfundimit të afatit të ankimit, të përcaktuar ne rregulloren nr. 248, datë 27.04.2022 “Për caktimin e rregullave për organizimin e procedurës së konkurrimit dhe emërimit të hetuesve të Sektorit të Hetimit Financiar, në Prokurorinë e Posaçme”, kandidatët të cilët kanë grumbulluar në minimum 70 pikë, do t’i nënshtrohen fazës së verifikimit të figurës dhe deklarimit të pasurisë, në përputhje me nenin 6, të ligjit nr. 95/2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, sipas një njoftimi të dytë nga Prokuroria e Posaçme./CNA





Lajmet e fundit nga