web counter
LEXO PA REKLAMA!

SHKARKO APP

App Store
Google Play

E fundit!

x

Studiot lobiste të Erion Veliajt: Po përndiqet politikisht

28 Tetor 2025, 13:06, Aktualitet CNA


Sot u shty sërish seanca në gjykatë ndaj ish-kryebashkiakut të arrestuar të Tiranës, i cili ndodhet në burgun e Durrësit, Erion Veliajt, me teknikalitetet dhe strategjitë e paralajmëruara dhe më herët nga avokatët e tij.

Seanca u shty për në datën 12 nëntor. Pas shtyrjes së seancës, duke përdorur të njëjtin skenar dhe të njëjtën strategji siç e theksuam më lart dhe siç e kemi përmendur edhe në shkrimet e tjera, studio ligjore lobiste të Erion Veliajt kanë publikuar një raport. Përkatësisht studiot ligjore Kasowitz dhe Mishcon de Reya.

Raporti përmban 24 faqe ku në krye të tij thuhet “Raporti i Kasowitz LLP dhe Mishcon de Reya sa i përket persekutimit politik të Erion Veliajt, kryebashkiakut të Tiranës".

Studiot lobiste të Erion Veliajt: Po përndiqet politikisht

Ky raport vjen nga kompanitë e lobimit të cilat ashtu siç është raportuar më parë janë paguar 300 mijë dollarë.

Këto janë të njëjtat skema përpëlitjesh të cilat Erion Veliaj i bënte para seancës në Gjykatën e Lartë.

Raporti i studiove ligjore të lobimit shkon në të njëjtën linjë sulmi që është nisur që prej fillimit, që nga arrestimi i Erion Veliajt ndaj prokurorëve dhe ndaj SPAK-ut.

Në raport thuhet:

“Ky raport përditëson raportin përfundimtar të Kasowitz LLP dhe Mishcon de Reya LLP lidhur me ndalimin e padrejtë nga SPAK të një kryetari bashkie të zgjedhur në mënyrë demokratike në kryeqytetin e Shqipërisë: Erion Veliaj, i cili u botua më 24 qershor 2025, dhe është bashkëngjitur këtu si Shtojca A ("Raporti Fillestar"). Supozohet njohja me faktet bazë, parimet dhe kuadrin ligjor të raportit fillestar”.

Studiot lobiste të Erion Veliajt: Po përndiqet politikisht

Në fakt, SPAK ka kopsitur dosjen e Veliajt dhe e ka dërguar për gjykim në 10 shtator të vitit 2025, ku renditen qartë 13 akuza për 5 vepra të rënda penale, korrupsion, shpërdorim detyre, pastrim i produkteve të veprës penale, futja e sendeve të paligjshme në qeli dhe fshehje të pasurisë.

Masa e arrestit me burg për Erion Veliajn është lënë në fuqi në të gjitha nivelet e gjykatave deri te Gjykata e Lartë.

Prej muajsh Erion Veliaj shtyn gjyqin në GJKKO, pra përballjen në gjykatë me prokurorët për t’u zbardhur e vërteta e akuzave ndaj tij dhe provat e faktet që kanë zbuluar prokurorët./ CNA





Lajmet e fundit nga